അബുദാബി ബിഗ് ടിക്കറ്റിന്റെ ഈ മാസത്തെ ഗ്രാൻഡ് സമ്മാനം 20 മില്യൻ ദിർഹം (ഏതാണ്ട് 44 കോടിയിലേറെ രൂപ) സമ്മാനം മലയാളി യുവാവിന്. ജബൽ അലിയിലെ കാർ കമ്പനിയിൽ ഹെൽപ്പർ ആയി ജോലി ചെയ്യുന്ന കെ.പി. പ്രദീപ് ആണ് ഈ ഭാഗ്യവാൻ.
24 കാരനായ പ്രദീപ് 20 സുഹൃത്തുക്കൾക്കൊപ്പമാണ് ടിക്കറ്റ് എടുത്തത്. സമ്മാനം വീഥിക്കുമെന്നു ഇവർ പറഞ്ഞു. കഴിഞ്ഞ ഒരു വർഷമായി അദ്ദേഹം ഇത്തരത്തിൽ ബിഗ് ടിക്കറ്റിൽ ഭാഗ്യം പരീക്ഷിക്കാറുണ്ട്. ഇത്തവണ സെപ്റ്റംബർ 13നു ഓൺലൈൻ വഴിയെടുത്ത 064141 എന്ന നമ്പറാണ് ഭാഗ്യം കൊണ്ടുവന്നത്. കഴിഞ്ഞ ഏഴു മാസമായി ദുബായിലാണ് താമസം. സമ്മാനം നേടുമെന്ന് പ്രതീക്ഷിക്കാത്തതിനാൽ ഇതുവരെ പദ്ധതികളൊന്നും തയ്യാറാക്കിയിട്ടില്ലെന്ന് പ്രദീപ് പറഞ്ഞു.
ഏതാനും മാസങ്ങൾക്കു ശേഷമാണ് മലയാളിക്ക് ബിഗ് ടിക്കറ്റിന്റെ ഗ്രാൻഡ് സമ്മാനം ലഭിക്കുന്നത്. ആഴ്ചകളിൽ നടക്കുന്ന നറുക്കെടുപ്പുകളിൽ ചെറിയ സമ്മാനങ്ങൾ ലഭിച്ചിരുന്നു.
അതേസമയം, ദുബായിൽ നിന്നുള്ള മറ്റൊരു ഇന്ത്യൻ പ്രവാസിയായ അബ്ദുൾ ഖാദർ ഡാനിഷ് എച്ച്എം സെപ്തംബർ 30 ന് വാങ്ങിയ 252203 എന്ന ടിക്കറ്റ് നമ്പറുള്ള 1 ദശലക്ഷം ദിർഹം രണ്ടാം സമ്മാനം നേടി.
ഡ്രീം കാർ ജീപ്പ് ഗ്രാൻഡ് ചെറോക്കി സീരീസ് 08ൽ ഇന്ത്യക്കാരായ ഷാജി പുതിയ വീട്ടിൽ മുഹമ്മദ് അലി പാറത്തൊടി ജേതാക്കളായി.
25 മില്യൺ ദിർഹത്തിന്റെ ജാക്ക്‌പോട്ടിന്റെ അടുത്ത നറുക്കെടുപ്പ് നവംബർ 3-ന് നടക്കും. ആദ്യമായി പ്രതിവാര സമ്മാനമായി 1 കിലോ സ്വർണവും ലഭിക്കും.