ശ്രദ്ധേയമായി തേഞ്ഞിപ്പാലത്തെ കൗമാര സൗഹൃദ ക്ലബ്ബ് രൂപീകരണം
നെടുവ സാമൂഹ്യാരോഗ്യ കേന്ദ്രത്തിന്റെ നേതൃത്വത്തിൽ തേഞ്ഞിപ്പലം ഗ്രാമപഞ്ചായത്തിന്റെയും തേഞ്ഞിപ്പലം പ്രാഥമിക ആരോഗ്യ കേന്ദ്രത്തിന്റെയും സംയുക്ത ആഭിമുഖ്യത്തിൽ ദേവതിയാൽ സബ് സെൻററിന് കീഴിൽ വരുന്ന വാർഡുകളെ ഉൾപ്പെടുത്തി കൗമാര സൗഹൃദ ക്ലബ്ബ് രൂപീകരിച്ചു. 85 ഓളം കുട്ടികളെ ഉൾപ്പെടുത്തി രൂപീകരിച്ച ക്ലബ്ബിൻറെ ഏകദിന ക്യാമ്പും ഔപചാരിക ഉദ്ഘാടന പരിപാടികളും പകിട്ടാർന്ന പരിപാടികളോടെ വർണ്ണാഭമായി ഇന്ന് നടത്തപ്പെട്ടു. തേഞ്ഞിപ്പലം സെൻറ് പോൾസ് ഹയർ സെക്കൻഡറി സ്കൂളിലെ കുട്ടികൾ അവതരിപ്പിച്ച വർണ്ണാഭമായ ബാൻഡ് മേളത്തോടൊപ്പമുള്ള ഘോഷയാത്ര ജനകീയ ശ്രദ്ധ പിടിച്ചുപറ്റി. നീരോൽപാലം അങ്ങാടിയിൽ നിന്നും ആരംഭിച്ച ഘോഷയാത്ര ഉദ്ഘാടന വേദിയായ എ എം എൽ പി നീരോൽപാലം സ്കൂളിൽ കൃത്യം 11 മണിക്ക് എത്തിച്ചേരുകയും തുടർന്ന് ഉദ്ഘാടന പരിപാടികൾ ആരംഭിക്കുകയും ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ നസീമ യൂനസ് പരിപാടിക്ക് സ്വാഗതം പറഞ്ഞു. തുട...