പാണമ്പ്ര വളവിൽ ടൂറിസ്റ്റ് ബസ് മറിഞ്ഞു ഏഴ് പേർക്ക് പരിക്ക്
തേഞ്ഞിപ്പലം : ദേശീയപാത പാണമ്പ്ര വളവിൽ ടൂറിസ്റ്റ് ബസ് മറിഞ്ഞു ഏഴ് പേർക്ക് പരിക്ക്. ഇന്ന് പുലർച്ചെ 4 മണിക്കാണ് അപകടം. തൃശൂരിൽ നിന്ന് വയനാട്ടിലേക്ക് വിനോദയാത്ര പോകുന്നവരുടെ ബസാണ് അപകടത്തിൽ പെട്ടത്. ആരുടെയും പരിക്ക് ഗുരുതരമല്ലെന്നാണ് അറിയുന്നത്. അപകടത്തെ തുടർന്ന് ദേശീയപാതയിൽ അല്പനേരം ഗതാഗത തടസം ഉണ്ടായി. ബസ് മാറ്റി ഗതാഗതം പുനരാരംഭിച്ചു.
സ്ഥിരം അപകടമേഖലയാണ് പാണമ്പ്ര വളവ്. ദേശീയപാത വികസനത്തിൽ ഈ വളവ് ഇല്ലാതാകും.
...