നന്നംബ്ര : കൊടിഞ്ഞി ചെറുപ്പാറയിൽ രണ്ടു പേരെ തെരുവ് നായ കടിച്ചു. മുൻ പഞ്ചായത്ത് വൈസ് പ്രസിഡന്റ് കൊടിഞ്ഞി കടുവള്ളൂർ സ്വദേശി പത്തൂർ അസി, കുറൂൽ സ്വദേശി മൂഴിക്കൽ സ്വാലിഹ് എന്നിവരെയാണ് കടിച്ചത്. ഇന്നലെ രാത്രി 9.30 ന് ചെറുപ്പാറയിൽ വെച്ചാണ് സംഭവം. സൈൻ കോളേജ് മുറ്റത്ത് ബൈക്ക് നിർത്തി സുഹൃത്തിനോട് സംസാരിച്ചു കൊണ്ടിരിക്കുമ്പോഴാണ് സ്വാലിഹിന് കടിയേറ്റത്. ഇവിടെ നിന്നും ഓടിപ്പോയ നായ വീട്ടിൽ കയറിയാണ് അസിയെ കടിച്ചത്. സുഹൃത്ത് അക്ബറിന്റെ വീട്ടിൽ കസേരയിൽ ഇരുന്ന് സംസാരിക്കുന്നതിനിടെ പിറകിലൂടെ വന്നു കടിക്കുകയായിരുന്നു. ഇരുവർക്കും പിറക് വശത്താണ് കടിയേറ്റത്. കോഴിക്കോട് മെഡിക്കൽ കോളേജിൽ ചികിത്സ നൽകി