ആലങ്കോട് : എ കെ ജി വായന ശാലയിൽ സി പി എം പ്രവർത്തകനായ ബാങ്ക് ജീവനക്കാരനെ തൂങ്ങിമരിച്ച നിലയിൽ കണ്ടെത്തി. ആലങ്കോട് പ്ലാക്കൂട്ടത്തിൽ ശടാനന്ദന്റെ മകൻ കൃഷ്ണകുമാർ ( ശശി 47) ആണ് മരിച്ചത്. ആലങ്കോട് എകെജി സാംസ്കാരിക കേന്ദ്രം വായനശാലയിൽ തൂങ്ങിമരിച്ച നിലയിൽ കാണപ്പെടുകയായിരുന്നു. ഇന്നാണ് സംഭവം. ആലങ്കോട് സിപിഎം ബ്രാഞ്ച് കമ്മിറ്റി അംഗമാണ്. കാർഷിക ബാങ്കിന്റെ കളക്ഷൻ ഏജന്റ് കൂടിയാണ്. മരണ കാരണം അറിഞ്ഞിട്ടില്ല.