തിരുവനന്തപുരം : ഒാടുന്ന ഒട്ടോയില്‍ നിന്നും പുറത്തേക്കു ചാടിയ യുവതിക്ക് ദാരുണാന്ത്യം. ഭര്‍ത്താവിനൊപ്പം ഓട്ടോറിക്ഷയില്‍ സഞ്ചരിക്കുന്നതിനിടെ പുറത്തേക്കു ചാടിയ ഒറ്റൂര്‍ തോപ്പുവിള കുഴിവിള വീട്ടില്‍ രാജീവ്- ഭദ്ര ദമ്പതികളുടെ മകള്‍ സുബിന (20) ആണ് മരിച്ചത്.
ഭര്‍ത്താവ് അഖിലിനൊപ്പം ആശുപത്രിയില്‍ പോയി മടങ്ങി വരുമ്പോള്‍ അഖിലുമായുണ്ടായ വാക്കുതര്‍ക്കത്തിനിടെ തോപ്പുവിള ജംഗ്ഷന് സമീപത്ത് വച്ചാണ് സുബീന പുറത്തേക്ക് ചാടിയത്. സുബിനയുടെ തല വൈദ്യുതി പോസ്റ്റില്‍ ഇടിക്കുകയായിരുന്നു. ഒരു വര്‍ഷം മുന്‍പായിരുന്നു ഇവരുടെ വിവാഹം.