കോഴിക്കോട്: ആശുപത്രിയിൽ ചികിത്സയിലുള്ളയാളെ പരിചരിക്കാനെത്തിയ ഹോംനഴ്സ് ഏഴു പവന്റെ ആഭരണവും 5000 രൂപയും മൊബൈൽ ഫോണുമായി കടന്നു കളഞ്ഞു.
തൊണ്ടയാട് ബൈപാസ് റോഡിലെ സ്വകാര്യ ആശുപത്രിയിൽ വെള്ളിയാഴ്ച രാവിലെ ഏഴോടെയാണ് സംഭവം. മലാപ്പറമ്പ് ഹരിചന്ദനം വീട്ടിൽ യോഗേഷിന്റെ ഭാര്യയുടെ ആഭരണമാണ് നഷ്ടപ്പെട്ടത്. ഇവർ ശുചിമുറിയിൽ പോയി തിരിച്ചുവന്നപ്പോൾ ഹോംനഴ്‌സിനെ കാണാത്തതിനെത്തുടർന്ന് സംശയം തോന്നി പരിശോധിച്ചപ്പോഴാണ് ഫോണും പണവും ആഭരണവും നഷ്ടപ്പെട്ട വിവരം അറിഞ്ഞത്.
യോഗേഷി‍െൻറ ഭാര്യാപിതാവിനെ പരിചരിക്കാനെത്തിയതായിരുന്നു ഹോംനഴ്സ്. യോഗേഷിന്റെ പരാതിയിൽ മെഡിക്കൽ കോളജ് പൊലീസ് കേസെടുത്തു.