തിരുവനന്തപുരം : മലയാള ചലച്ചിത്ര നടന് മോഹന്രാജ് അന്തരിച്ചു. തിരുവനന്തപുരം കാഞ്ഞിരംകുളത്തെ വീട്ടില് വ്യാഴാഴ്ച വൈകിട്ടായിരുന്നു അന്ത്യം. കെ മധു സംവിധാനം ചെയ്ത മൂന്നാംമുറ എന്ന ചിത്രത്തിലൂടെയാണ് മോഹന്രാജ് വെള്ളിത്തിരയിലേക്ക് എത്തുന്നത്. മോഹന്ലാല് നായകനായി എത്തിയ കിരീടം എന്ന ചിത്രത്തിലെ ‘കീരിക്കാടന് ജോസ്’ എന്ന വേഷത്തിലൂടെയാണ് ഏറെ ജനപ്രീതി നേടാന് മോഹന്രാജിനായി. ഇതിലൂടെ മലയാള സിനിമയിലെ വില്ലന് വേഷങ്ങള്ക്ക് പുതിയ മാനങ്ങള് നല്കുകയായിരുന്നു അദ്ദേഹം. പിന്നീട് കീരിക്കാടന് ജോസ് എന്ന പേരില് അദ്ദേഹം അറിയപ്പെടാനും തുടങ്ങിയിരുന്നു.
ചെങ്കോല്, നരസിംഹം, ഹലോ, മായാവി തുടങ്ങിയ മുന്നൂറോളം ചിത്രങ്ങളില് വേഷമിട്ടിട്ടുണ്ട്. സഹപ്രവര്ത്തകന്റെ വിയോഗത്തില് അനുശോചനം അറിയിച്ച് നിരവധി പേര് രംഗത്ത് എത്തുകയാണ്. സംസ്കാരം നാളെ.