കിക്ക് ബോക്സിങ് നാഷണൽ ചാമ്പ്യൻഷിപ്പിൽ ഫാത്തിമ നജ വെങ്കല മെഡൽ നേടി
ചെന്നൈ നെഹ്‌റു ഇൻഡോർ സ്റ്റേഡിയത്തിൽ ആഗസ്റ്റ്‌ 27 മുതൽ 31 വരെ നടന്ന വാക്കോ ഇന്ത്യ ചിൽഡ്രൻ & കേഡറ്റ്‌സ് നാഷണൽ കിക്ക്‌ബോക്‌സിംഗ് ചാമ്പ്യൻഷിപ്പിൽ മികച്ച വിജയം നേടി ഫാത്തിമ നജ നാടിന്റെ അഭിമാനമായി.
കേരളത്തിന് വേണ്ടി മത്സരിച്ച ഫാത്തിമ നജ വെങ്കല മെഡൽ നേടി.
കേരള സ്റ്റേറ്റ് അമച്വർ കിക്ക്‌ബോക്‌സിംഗ് അസോസിയേഷൻ (KSAKA) – വാക്കോ ഇന്ത്യ കേരളത്തിന് ചാമ്പ്യൻഷിപ്പിൽ 05 വെള്ളിയും 09 വെങ്കലവും നേടാനായി. അബ്ദുറഹ്മാൻ നഗർ ഹയർസെക്കൻഡറി സ്കൂളിലെ ഒമ്പതാം ക്ലാസ് വിദ്യാർത്ഥിനി യായ ഫാത്തിമ നജ ഷോളിഡാൻ ഡ്രാഗൺ കുങ് ഫു അക്കാഡമിയിലാണ് (SDK Academy) പരിശീലിക്കുന്നത്. എസ് ഡി കെ അക്കാഡമി വിദ്യാർത്ഥികളായ മുഹമ്മദ് ഷാമിൽ കെ പി, മുഹമ്മദ് സുൽത്താൻ പി എന്നിവരും നാഷണൽ ചാമ്പ്യൻഷിപ്പിൽ മികച്ച പ്രകടനം കാഴ്ചവച്ചു. വളരെ ചുരുങ്ങിയ കാലത്തെ ചിട്ടയായതും തീവ്രവുമായ പരിശീലനത്തിലൂടെയാണ് ഫാത്തിമ നജക്ക് ഈ നേട്ടം കൈവരിക്കാൻ സാധിച്ചത്. കൊളപ്പുറം ശാന്തിവയലിൽ താമസിക്കുന്ന നൗഷാദ് എ വി എന്നവരുടെ മകളാണ്
ഫാത്തിമ നജ.