പാലക്കാട്: ബാങ്കില്‍ സ്ഥാനക്കയറ്റത്തിനായി വ്യാജ ഡിഗ്രി സര്‍ട്ടിഫിക്കറ്റ് ഹാജരാക്കിയെന്ന പരാതിയില്‍ യൂത്ത് ലീഗ് സംസ്ഥാന സെക്രട്ടറി ഗഫൂര്‍ കോല്‍ക്കളത്തിനെതിരെ പൊലീസ് കേസെടുത്തു. അരിയൂര്‍ ബാങ്ക് ലാസ്റ്റ് ഗ്രേഡ് ജീവനക്കാരനാരനായിരിക്കവേ ക്ലാര്‍ക്കായി ഉദ്യോഗ കയറ്റത്തിനായി വ്യാജ സര്‍ട്ടിഫിക്കറ്റ് ഹാജരാക്കിയെന്നാണ് പരാതി. അസി. രജിസ്ട്രാറാണ് പരാതിക്കാരന്‍.
ബീഹാറിലെ മഗധ യൂണിവേഴ്‌സിറ്റിയുടെ ബികോം കോര്‍പ്പറേഷന്‍ സര്‍ട്ടിഫിക്കറ്റാണ് ഹാജരാക്കിയത്. വകുപ്പുതല അന്വേഷണത്തില്‍ സര്‍ട്ടിഫിക്കറ്റ് വ്യാജമാണെന്ന് കണ്ടെത്തി. തുടര്‍ന്ന് പരാതി പൊലീസിന് കൈമാറുകയായിരുന്നു. ബാങ്കിലെ പ്രാദേശിക ലീഗ് നേതാവായ അബ്ദുള്‍ റഷീദ് ഇതേ സര്‍ട്ടിഫിക്കറ്റ് ഹാജരാക്കിയിട്ടുണ്ട്. രണ്ട് പേര്‍ക്കെതിരെയും പൊലീസ് കേസെടുത്തു. ഗഫൂര്‍ ജില്ലാ പഞ്ചായത്തംഗം കൂടിയാണ്.