ആലപ്പുഴ: ബസ്സിൽനിന്ന് പോലീസുകാരുടെ തോക്ക് മോഷ്ടിച്ച സംഭവത്തിൽ മൂന്നു പേർ അറസ്റ്റിൽ. ആലപ്പുഴ പോഞ്ഞിക്കര സ്വദേശി യദുകൃഷ്ണൻ, പുന്നപ്ര സ്വദേശി സിന്ധു വടുതല സ്വദേശി ആന്റണി തുടങ്ങിയവരാണ് അറസ്റ്റിലായത്.
വ്യാഴാഴ്ചയാണ് സംഭവം നടന്നത്. ബസ് യാത്രയ്ക്കിടെ പോലീസുകാരന്റെ തോക്ക് തട്ടിയെടുക്കുകയായിരുന്നു. ജില്ലാ കോടതിയിൽ നിന്ന് റിമാൻഡ് ചെയ്ത പ്രതിയെ ബസിൽ ആലപ്പുഴ സബ്ജയിലിലേക്ക് കൊണ്ടുപോവുകയായിരുന്ന പോലീസുകാരന്റെ സിറ്റിന്റെ പിറകിലിരുന്ന യദുകൃഷ്ണനും ആന്റിയും തോക്ക് കൈക്കലാക്കുകയായിരുന്നു.സബ്ജയിലിൽ എത്തിയശേഷമാണ് പോലീസുകാരൻ തോക്ക് നഷ്ടപ്പെട്ട വിവരം അറിഞ്ഞത്.
തുടർന്ന് അന്വേഷണം നടത്തുന്നതിനിടെ ആലപ്പുഴ ബീച്ചിൽ വച്ച് യദു കൃഷ്ണനേയും ആന്റണിയേയും സംശയാസ്പദമായ സാഹചര്യത്തിൽ കാണുകയും തുടർന്ന് ചോദ്യം ചെയ്യുകയുമായിരുന്നു. ചോദ്യം ചെയ്യലിൽ ഇരുവരും കുറ്റം സമ്മതിക്കുകയും തോക്ക് സിന്ധുവിന്റെ കൈയിലാണെന്ന് പറയുകയും ചെയ്തു.തുടർന്ന് പോലീസ് യുവതിയേയും കസ്റ്റഡിയിലെടുത്തു. തോക്ക് യുവതിയുടെ ബാഗിൽ നിന്ന് കണ്ടെത്തി.
തോക്ക് മോഷ്ടിച്ചതിന്റെ ഉദ്ദേശവും, കൂട്ടുപ്രതികൾ ഉണ്ടോ എന്നതും പൊലീസ് അന്വേഷിക്കുകയാണ്