തിരൂരങ്ങാടി: തപാൽ മേഖലയിലെ സ്വകാര്യ വൽക്കരണത്തിന് എതിരെ ജീവനക്കാരുടെ സംയുക്ത സമര സമിതി 10 ന് നടത്തുന്ന അഖിലേന്ത്യാ പണിമുടക്കിന്റെ പ്രചാരണർത്ഥമുള്ള വാഹന ജാഥ രണ്ടാം ദിവസം തിരൂരങ്ങാടി യിൽ നിന്ന് ആരംഭിച്ചു. രാവിലെ 10 ന് ചെമ്മാട് നിന്നാണ് തുടക്കം കുറിച്ചത്. ഡി സി സി ജനറൽ സെക്രട്ടറി ഒ.രാജൻ ഉദ്‌ഘാടനം ചെയ്തു. സി ഐ ടി യു ഏരിയ പ്രസിഡന്റ് അഡ്വ. സി. ഇബ്രാഹീം കുട്ടി അധ്യക്ഷം വഹിച്ചു. സനൂപ്, മോഹൻദാസ്, എ വി.ശറഫലി, പ്രേമ കുമാർ, ജാഥ ക്യാപ്റ്റൻ മാരായ ടി.രാജേഷ്, കെ.പി.ഹനീഫ തുടങ്ങിയവർ പ്രസംഗിച്ചു. വിവിധ സംഘടന പ്രതിനിധികൾ ജാഥാ നായകരെ ഹാരാർപ്പണം നടത്തി. കോട്ടക്കൽ, വളാഞ്ചേരി, പൊന്നാനി എന്നിവിടങ്ങളിലെ സ്വീകരണ ങ്ങൾക്ക് ശേഷം തിരൂരിൽ സമാപിച്ചു. തപാൽ മേഖലയുടെ സ്വകാര്യവൽക്കരണ നടപടികൾ ഉപേക്ഷിക്കുക, പോസ്റ്റ് ഓഫീസ് സേവിങ്‌സ് ബാങ്ക്, പോസ്റ്റൽ ലൈഫ് ഇൻഷുറൻസ് പദ്ധതികളെ സംരക്ഷിക്കുക, റയിൽവേ മെയിൽ സർവിസ് (ആർ എം എസ്) നിർത്തലാക്കാനുള്ള നീക്കം ഉപേക്ഷിക്കുക, ഒഴിഞ്ഞു കിടക്കുന്ന തസ്തികകളിൽ നിയമനം നടത്തുക, ഗ്രാമീണ ഡാക് സേവക് ഉൾപ്പെടെയുള്ള ജീവനക്കാരുടെ പ്രശ്നങ്ങൾ പരിഹരിക്കുക തുടങ്ങിയ ആവശ്യങ്ങൾ ഉന്നയിച്ചാണ് പണിമുടക്ക്.
