തിരൂരങ്ങാടി: പി എസ് എം ഒ കോളേജ് മുൻ ചരിത്രവിഭാഗം മേധാവി പ്രൊഫ. മുസ്തഫ കമാൽ പാഷ അന്തരിച്ചു. ഹൃദയ സംബന്ധമായ അസുഖത്താൽ ചികിത്സയിലായിരുന്നു.
ഇസ്ലാമിക ചരിത്രത്തിലും മധ്യ പൗരസ്ത്യ ദേശ ചരിത്രത്തിലും പാണ്ഡിത്യമുള്ള കമാൽപാഷ, അക്കാദമിക വിദഗ്ധനെന്നതിലുപരി സാമൂഹിക, സാംസ്കാരിക മണ്ഡലങ്ങളിലും സജീവ സാന്നിധ്യമായിരുന്നു.
32 വർഷം തിരൂരങ്ങാടി പി.എസ്.എം.ഒ കോളജ് ചരിത്ര വിഭാഗം തലവനായിരുന്നു. കാലിക്കറ്റ് യൂനിവേഴ്സ്റ്റി ഇസ്ലാമിക് സ്റ്റഡീസിന്‍റെ ബോർഡ് ഓഫ് സ്റ്റഡീസ് ചെയർമാൻ, ഇസ്ലാമിക് സ്റ്റഡീസ് ചെയറിൽ പ്രഫസർ, പടിഞ്ഞാറങ്ങാടി എം.എ.എസ് കോളജ് പ്രിൻസിപ്പൽ, അഡൽട്ട് എജുക്കേഷൻ ഡയറക്ടർ, കോഴിക്കോട് ഫണ്ടമെന്‍റൽ റിസർച് ഇൻസ്റ്റിറ്റ്യൂട്ട് ഡയറക്ടർ തുടങ്ങിയ പദവികൾ വഹിച്ചു.
ഖബറടക്കം നാളെ രാവിലെ 9 മണിക്ക് വളാഞ്ചേരി പൂക്കാട്ടിരി ജുമാ മസ്ജിദിൽ