തദ്ദേശ തെരഞ്ഞെടുപ്പ് വോട്ടെടുപ്പ് എങ്ങനെ: കന്നി വോട്ടര്മാര് അറിയേണ്ടത്
മലപ്പുറം : തദ്ദേശ തെരഞ്ഞെടുപ്പിന് കളമൊരുങ്ങുമ്പോള് 2025 ജനുവരി ഒന്നിന് 18 വയസ്സ് പൂര്ത്തിയായ കന്നി വോട്ടര്മാരും ജനാധിപത്യപ്രക്രിയയുടെ ഭാഗമാവുകയാണ്. വോട്ടെടുപ്പ് എങ്ങനെയെന്നും പോളിങ് സ്റ്റേഷനില് എന്തൊക്കെ ഘട്ടങ്ങളുണ്ടെന്നും ഓരോ സമ്മതിദായകനും അറിഞ്ഞിരിക്കണം. ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത് എന്നിവയിലേക്ക് ഓരോ വോട്ടറും ഒരു വോട്ട് വീതം രേഖപ്പെടുത്തണം, ആകെ മൂന്ന് വോട്ടുകളാണുള്ളത്. ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത് എന്നീ ക്രമത്തിലാണ് ബാലറ്റ് യൂണിറ്റ് സജ്ജീകരിച്ചിരിക്കുന്നത്.
വോട്ടര് താന് വോട്ട് ചെയ്യാന് ആഗ്രഹിക്കുന്ന സ്ഥാനാര്ത്ഥിയുടെ പേരിന് നേരെയുള്ള സ്ഥാനാര്ത്ഥി ബട്ടണ് അമര്ത്തണം. ആഗ്രഹിക്കുന്ന സ്ഥാനാര്ത്ഥിയുടെ ബട്ടണ് അമര്ത്തുമ്പോള്, ഒരു ചെറിയ ബീപ്പ് ശബ്ദം കേള്ക്കാം, ആ സ്ഥാനാര്ത്ഥി ബട്ടണിന് നേരെയുള്ള ഇന്ഡിക്കേറ്റര് ലൈറ്റ് പ്രകാശി...