16 വർഷം മുമ്പ് റെയിൽവെ സ്റ്റേഷനിൽ നഷ്ടമായ മകളെ തേടി അച്ഛനെത്തി, പുതുവർഷത്തിൽ ജീവിതം തിരിച്ചു പിടിച്ച് പുഷ്പ
വനിത-ശിശു വികസന വകുപ്പിനു കീഴില് തവനൂര് റസ്ക്യു ഹോമില് ഒമ്പത് വര്ഷമായി കഴിഞ്ഞിരുന്ന പുഷ്പയെ തേടി ഒടുവില് അച്ഛനെത്തി. 2005 ല് മുംബൈ സെന്ട്രല് റയില്വെ സ്റ്റേഷനില് നഷ്ടമായ മകളെ 16 വര്ഷങ്ങള്ക്ക് ശേഷം തിരിച്ച് കിട്ടിയ സന്തോഷമായിരുന്നു 76 കാരനായ അച്ഛന് ദീപ് രാജ് ഗുപ്തയ്ക്ക്. രക്ഷിതാക്കളെ കണ്ടെത്തുന്നതിനുള്ള വനിത-ശിശു വികസന വകുപ്പിന്റെ നിരന്തര പരിശ്രമത്തിന്റെ ഫലമായാണ് നഷ്ടമായെന്ന് കരുതിയ ജീവിതത്തിലേക്ക് പുതുവര്ഷത്തലേന്ന് പുഷ്പ അച്ഛനോടൊപ്പം കുറ്റിപ്പുറം റയില്വേ സ്റ്റേഷനില് നിന്ന് യാത്ര തിരിച്ചത്.
ഉത്തര്പ്രദേശിലെ ഡയറിയ ജില്ലയിലെ ഗര്മീര് സ്വദേശിനിയായ പുഷ്പയെ 2012 ല് തിരൂര് പൊലീസാണ് തവനൂര് റെസ്ക്യു ഹോമിലെത്തിക്കുന്നത്. മാനസിക വെല്ലുവിളികളുള്ളതിനാല് പലപ്പോഴും സംസാരിക്കാന് കൂട്ടാക്കിയിരുന്നില്ല. അതിനാല് തന്നെ ബന്ധുക്കളെ കണ്ടെത്തുന്നതും പ്രയാസകരമായിരുന്നു. ഇടയ്ക്കുള്ള സ...