വീടിന് മുമ്പിൽ നിന്ന് സ്കൂട്ടർ മോഷ്ടിച്ച പ്രതിയെ നാട്ടുകാർ പിടികൂടി
പിടിയിലായത് 'തിരൂരങ്ങാടി ടുഡേ' വാർത്തയെ തുടർന്ന്
തിരൂരങ്ങാടി : വീടിന്റെ ഗേറ്റിന് മുമ്പിൽ നിർത്തിയിട്ട സ്കൂട്ടർ മിനിട്ടുകൾക്കുള്ളിൽ മോഷ്ടിച്ച പ്രതിയെ നാട്ടുകാർ പിടികൂടി. കൊടിഞ്ഞി സ്വദേശിയായ 17 കാരനാണ് പിടിയിലായത്. കൊടിഞ്ഞി അൽ അമീൻ നഗർ സ്വദേശിയും പത്ര ഏജന്റുമായ എ എം അഷ്ഫാഖ് അലിയുടെ സ്കൂട്ടർ ആണ് വ്യാഴാഴ്‌ച രാത്രി മോഷ്ടിച്ചിരുന്നത്. വീടിന്റെ ഗേറ്റിന് മുമ്പിൽ നിർത്തി ലൈറ്റിടാൻ പോയതായിരുന്നു. ഇതിനിടെ വന്ന ഫോണിൽ സംസാരിച്ചു കഴിഞ്ഞു തിരിച്ചെത്തിയപ്പോൾ വണ്ടി കണ്ടില്ല. പരിസരം മുഴുവൻ തിരഞ്ഞു. കൂട്ടുകാർ ആരെങ്കിലും തമാശയ്ക്ക് മാറ്റിയതാകുമെന്നാണ് കരുതിയത്. അടുത്ത ദിവസവും കിട്ടതായതിനെ തുടർന്ന് പോലീസിൽ പരാതി നൽകി. സംഭവം "തിരൂരങ്ങാടി ടുഡേ" ഇന്നലെ വാർത്ത നൽകിയിരുന്നു. വാർത്ത ശ്രദ്ധയിൽ പെട്ട നാട്ടുകാരാണ് സ്കൂട്ടറുമായി പോകുകയായിരുന്ന 17 കാരനെ കണ്ടത്. നാട്ടുകാർ പിന്നാലെ പോയപ്പോൾ സ്കൂട്ടർ കൊടിഞ്ഞി പള്ളിക്കത...