ഓളപ്പരപ്പിൽ ആവേശ തീമഴ : ബീയ്യം കായൽ ജലോത്സവത്തിൽ ജലറാണിയും യുവരാജയും ചാമ്പ്യൻമാർ
പൊന്നാനി : ആവേശപ്പെരുമഴയുടെ കൊടുമുടിയില് തുഴഞ്ഞേറി ഓളപ്പരപ്പിനെ ആവേശം കൊള്ളിച്ച പോരാട്ടത്തിനൊടുവിൽ ബിയ്യം കായൽ ജലോത്സവത്തിൽ മേജർ വിഭാഗത്തിൽ ജലറാണിയുംമൈനർ വിഭാഗത്തിൽ യുവരാജയും ജലരാജാക്കൻമാരായി.
മേജർ വിഭാഗത്തിൽ രണ്ടാം സ്ഥാനത്ത് കല്ലിക്കാടനും കെട്ടു കൊമ്പൻ മൂന്നാം സ്ഥാനത്തുമെത്തി. മൈനർ വിഭാഗത്തിൽ പുളിക്കകടവൻ രണ്ടാ സ്ഥാനത്തും നാട്ടുകൊമ്പൻ മൂന്നാം സ്ഥാനത്തുമെത്തി.
ആയിരക്കണക്കിന് വള്ളംകളി പ്രേമികളെ ആവേശത്തിലാക്കിയാണ് ബിയ്യം കായലിൽ ജലരാജാവിനായുള്ള മത്സരം ആരംഭിച്ചത്. മത്സരത്തിന്റെ ഉദ്ഘാടനം പ്രശസ്ത യുവ സിനിമാ താരം ഷെയ്ൻ നിഗം നിർവഹിച്ചു. 17 മേജര് വള്ളങ്ങളും 20 മൈനര് വള്ളങ്ങളുമുൾപ്പെടെ 37 വള്ളങ്ങളാണ്ജലമേളയില് പങ്കെടുത്തത്. മത്സരത്തിന്റെ ഫ്ലാഗ് ഓഫ് പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് റമീന ഇസ്മായിൽ നിർവഹിച്ചു. കെ. പി. നൗഷാദലി എം.എൽ.എ.അധ്യക്ഷത വഹിച്ചു.
ചടങ്ങിൽ വി.എസ്. ജോയ് എം.എൽ.എ.,...