ചികിത്സക്കെത്തിയ യുവതികളോട് മോശം പെരുമാറ്റം; താലൂക്ക് ആശുപത്രിയിലെ ഡോക്ടർ പിടിയിൽ
കോഴിക്കോട്: കുറ്റ്യാടിയില് ചികിത്സയ്ക്കെത്തിയ യുവതികളോട് അപമര്യാദയായി പെരുമാറിയ സർക്കാർ ആശുപത്രിയിലെ ഡോക്ടര് അറസ്റ്റില്.കുറ്റ്യാടി താലൂക്ക് ആശുപത്രിയിലെ ഡോക്ടര് ബിബിനെ (44) യാണ് അറസ്റ്റ് ചെയ്തത്. കഴിഞ്ഞ ദിവസമാണ് കേസിനാസ്പദമായ സംഭവം നടന്നത്. പരിശോധനയ്ക്കെത്തിയ യുവതികളുടെ ശരീരഭാഗങ്ങളില് സ്പര്ശിച്ചെന്നാണ് പരാതി. തുടര്ന്ന് യുവതികള് ആശുപത്രിയിൽ യോഗത്തിന് എത്തിയിരുന്ന പ്രദേശത്തെ രാഷ്ട്രീയ പ്രവര്ത്തകരെ പരാതി അറിയിച്ചു. പിന്നാലെ ഡോക്ടര്ക്കെതിരെ പോലീസിലും പരാതി നല്കി. മൂന്ന് പേര് നല്കിയ പരാതിയിലാണ് പോലീസ് നടപടി. ഡ്യൂട്ടി സമത്ത് ഇയാള് മദ്യപിച്ചിരുന്നതായി പോലീസ് പറഞ്ഞു. മാസങ്ങൾക്ക് മുമ്പ് ആശുപത്രി സുപ്രണ്ടിനെ കയ്യേറ്റം ചെയ്യാൻ ശ്രമിച്ചതിനും ഇദ്ദേഹത്തിനെതിരെ കേസുണ്ട്....