50% ഓഫറിൽ മെഗാ ചലാൻ അദാലത്തുമായി മോട്ടോർ വാഹന വകുപ്പ്
27 മുതൽ 30 വരെ തിരൂരങ്ങാടി സബ് ആർ ടി ഓഫീസിൽ പ്രത്യേക കൗണ്ടർ
തിരൂരങ്ങാടി: മോട്ടോർ വാഹന നിയമലംഘനങ്ങൾ പ്രകാരം പിഴ ലഭിച്ചിട്ടും അടയ്ക്കാനാവാതെ വന്നവർക്ക് 50 ശതമാ നം ആനുകൂല്യത്തോടെ അവ അടച്ചു തീർക്കാൻ മെഗാ അദാലത്ത് തിരൂരങ്ങാടി സബ് ആർടിഒ ഓഫീസിൽ വരുന്നു ഈ മാസം ഇരുപത്തി ഏഴാം തീയതി തിങ്കളാഴ്ച മുതൽ മുപ്പതാം തീയതി വ്യാഴാഴ്ച വരെയാണ് മെഗാ അദാലത്ത് സംഘടിപ്പിക്കുന്നത്. വിവിധ ഗതാഗത നിയമലംഘനങ്ങൾ ലഭിച്ച പിഴകളിൽ പകുതി തുക മാത്രം അടച്ച് കേസ് ഒഴിവാക്കാനുള്ള മോട്ടോർ വാഹന വകുപ്പിൻ്റെ തീരുമാനം വാഹനഉടമകൾക്ക് വലിയ ആശ്വാസമാകും.
2024 ഡിസംബർ 31-ന് മുൻപ് ലഭിച്ച ട്രാഫിക് ചലാനുകൾക്കാണ് ഇത് ബാധകമാകുക. എ.ഐ. ക്യാമറ, പോലീസ്, മോട്ടോർ വാഹന വകുപ്പ് പരിശോധന എന്നി വയിലൂടെ ലഭിച്ച പിഴകളെല്ലാം ഇതിലൂടെ തീർപ്പാക്കാം. കോടതി നടപടികളിൽ നിന്ന് രക്ഷപ്പെടാനും അനാവശ്യമായ പ്രയാസം ഒഴിവാക്കാനു മുള്ള അവസരമാണിതെന്ന് ജോയിൻ്റ് ആർടിഒ ജി സുഗതൻ പ...