പാലിയേറ്റീവ് കെയർ യൂണിറ്റ് ഉദ്ഘാടനവും, സ്കോളർഷിപ്പ് ചെക്ക് കൈമാറലും, ആദരിക്കലും നടത്തി
കുണ്ടൂർ പി എം എസ് ജി ആർട്സ് ആൻഡ് സയൻസ് കോളേജ് എൻഎസ്എസിന്റെ ആഭിമുഖ്യത്തിൽ ആരംഭിച്ച പി എം എസ് ടി സേവ പാലിയേറ്റീവ് കെയർ യൂണിറ്റ് മലപ്പുറം ജില്ലാ പഞ്ചായത്ത് പ്രസിഡന്റ് പി എ ജബ്ബാർ ഹാജി ഉദ്ഘാടനം നിർവഹിച്ചു. കോളേജ് പ്രിൻസിപ്പൽ പ്രൊഫസർ കെ ഇബ്രാഹിം അധ്യക്ഷനായ ചടങ്ങിൽ ജില്ലാ പഞ്ചായത്ത് മെമ്പർ ശരീഫ് കുറ്റൂർ മുഖ്യപ്രഭാഷണം നടത്തി. പരിപാടിയോടനുബന്ധിച്ച് കോളേജ് പൂർവ വിദ്യാർത്ഥി സംഘടന നൽകുന്ന സ്കോളർഷിപ്പിന്റെ ആദ്യ ഗഡുവായ ഒരു ലക്ഷം രൂപയുടെ ചെക്ക് കോളേജ് പ്രിസിപ്പാലിനു കൈമാറി. തുടർന്ന് തിരൂരങ്ങാടി നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ രിഫ കെ വി, സി ആർ പി ഫ് ജവാൻ മുഹമ്മദ് ശരീഫ്, കേരള പോലീസിൽ സേവനമനുഷ്ടിക്കുന്ന മുഹമ്മദ് ഷഫീൽ എൻ കെ എന്നീ പൂർവവിദ്യാർഥികളെ ഉപഹാരം നൽകി ആദരിച്ചു.
മർക്കസ് ജനറൽ സെക്രട്ടറി എൻ പി ആലി ഹാജി, പിടിഎ വൈസ് പ്രസിഡണ്ട് കെ കുഞ്ഞുമരക്കാർ മറ്റു മാനേജ്മെന്റ് കമ്മിറ്റി അംഗങ്ങളും,...
