കേരള ക്രിക്കറ്റ് അസോസിയേഷന്‍ ജൂനിയര്‍ അക്കാദമിയിലേക്ക് സെലക്ഷന്‍ നേടി പരപ്പനങ്ങാടി സ്വദേശി
പരപ്പനങ്ങാടി : കേരള ക്രിക്കറ്റ് അസോസിയേഷന്‍ സംസ്ഥാന ജൂനിയര്‍ അക്കാദമിയിലേക്ക് സെലക്ഷന്‍ നേടി പരപ്പനങ്ങാടി സ്വദേശിയായ 15 കാരന്‍. പരപ്പനങ്ങാടി സ്വദേശി ആഗ്നേയ് .പി ആണ് സെലക്ഷന്‍ നേടിയത്. കെസിഎ യുടെ നേതൃത്വത്തില്‍ തിരുവനന്തപുരത്തും, തലശ്ശേരിയിലും 15 വയസ്സിന് താഴെയുള്ള കുട്ടികള്‍ക്കായി നടത്തിയ ട്രയല്‍സില്‍ മികച്ച പ്രകടനം നടത്തിയതിന്റെ അടിസ്ഥാനത്തിലാണ് ആഗ്നേയ് യോഗ്യത നേടിയത്.
പെനക്കത്ത് പ്രജിത്ത്, പുഷ്പലത ദമ്പതികളുടെ മകനായ ആഗ്നേയ് പരപ്പനങ്ങാടി എസ് എന്‍ എം എച്ച് എസ് എസ് ലെ വിദ്യാര്‍ത്ഥിയാണ്. തൃശ്ശൂര്‍ ട്രൈഡന്റ് , ജോളി റോവേഴ്‌സ് പെരിന്തല്‍മണ്ണ, പരപ്പനാട് വാക്കേഴ്‌സ് ക്ലബ്ബ് പരപ്പനങ്ങാടി എന്നിവിടങ്ങളിലാണ് പരിശീലനം നടത്തിയിരുന്നത്....