ഓരാടംപാലം – മാനത്ത്മംഗലം ബൈപ്പാസിന് ചിലവ് പ്രതീക്ഷിക്കുന്നത് 600 കോടി രൂപ; ഈ സര്‍ക്കാറിന്റെ കാലത്ത് തന്നെ യാഥാര്‍ത്ഥ്യമാക്കുമെന്ന് മന്ത്രി പി.കെ. ബഷീര്‍
പെരിന്തല്‍മണ്ണ: അങ്ങാടിപ്പുറം, പെരിന്തല്‍മണ്ണ നഗരങ്ങളിലെ സങ്കീര്‍ണ്ണമായ ഗതാതക്കുരുക്കിനുള്ള ശാശ്വത പരിഹാരമായ ഓരാടംപാലം - മാനത്ത്മംഗലം ബൈപ്പാസ് സ്വപ്‌നങ്ങള്‍ യാഥാര്‍ത്ഥ്യമാക്കുന്നതിനുള്ള നടപടികള്‍ക്ക് ഹൈ സ്പീഡ്. പൊതുമരാമത്ത് വകുപ്പ് മന്ത്രി പി.കെ. ബഷീര്‍ പെരിന്തല്‍മണ്ണയിലെത്തിയതോടെ പദ്ധതിക്ക് പുതുജീവനായി. പെരിന്തല്‍മണ്ണയിലെ പൊതുസമൂഹം ദീര്‍ഘകാലമായി കാത്തിരിക്കുന്ന ഈ പദ്ധതിക്ക് 600 കോടി രൂപയാണ് ചെലവ് പ്രതീക്ഷിക്കുന്നത്. ഈ തുക സംസ്ഥാന സര്‍ക്കാര്‍ കണ്ടെത്തുമെന്നും ഈ സര്‍ക്കാറിന്റെ കാലാവധി കഴിയുന്നതിന് മുമ്പ് പ്രവൃത്തി പൂര്‍ത്തീകരിച്ച് നാടിന് സമര്‍പ്പിക്കുമെന്നും പൊതുമരാമത്ത് വകുപ്പ് മന്ത്രി പി.കെ. ബഷീര്‍ പറഞ്ഞു. പെരിന്തല്‍മണ്ണ നിയോജക മണ്ഡലത്തിലെ പൊതുമരാമത്ത് പ്രവൃത്തികളുടെ പുരോഗതി വിലയിരുത്തുന്നതിനായി നഗരസഭ കോണ്‍ഫറന്‍സ് ഹാളില്‍ ചേര്‍ന്ന പ്രത്യേക യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹ...
