തമിഴ്നാട്ടിൽ തദ്ദേശ തിരഞ്ഞെടുപ്പിൽ വിജയക്കൊടി പാറിച്ച് മലപ്പുറത്തെ ദമ്പതികൾ
വളാഞ്ചേരി : തമിഴ്നാട്ടിൽ തദ്ദേശ സ്ഥാപനങ്ങളിലേക്കു നടന്ന തിരഞ്ഞെടുപ്പിൽ തിരുപ്പത്തൂർ ജിലയിലെ വാണിയമ്പാടി നഗരസഭയിലെ മൂന്നാം വാർഡ് പെരിയപെട്ടിൽ വിജയിച്ചത് കരിപ്പോൾ സ്വദേശി ഹബീബ് തങ്ങൾ. ഇതേ നഗരസഭയിൽ വാർഡ് 18 മുസ്ലിംപുരിൽനിന്ന് വിജയിച്ചത് ഇദ്ദേഹത്തിന്റെ ഭാര്യ നസീമുന്നീസ ബീഗവും. വാണിയമ്പാടിയിൽ ഏറെക്കാലമായി താമസിക്കുന്ന ഹബീബ് തങ്ങൾ ഡിഎംകെ ടിക്കറ്റിലാണ് വിജയിച്ചത്.
703 വോട്ടിനാണ് ഇദ്ദേഹം തിരഞ്ഞെടുക്കപ്പെട്ടത്. ഭാര്യ നസീമുന്നീസ ബീഗം 18ാം വാർഡിൽനിന്ന് 461 വോട്ടിനും തിരഞ്ഞെടുക്കപ്പെട്ടു. ഡിഎംകെയുടെ തമിഴ്നാട് സംസ്ഥാന കമ്മിറ്റി അംഗവും മൈനോറിറ്റി വിങ് ഉപാധ്യക്ഷനുമായ ഹബീബ് തങ്ങൾ കരിപ്പോളിലെ പരേതനായ കെ.പി.സി.തങ്ങളുടെ മകനാണ്. ഭാര്യ നസീമുന്നീസ ബീഗം വാണിയമ്പാടി സ്വദേശിയാണ്. തമിഴ്നാട്ടിൽ സ്ഥിരതാമസമാണ്....