ദേശീയ ഹരിതസേന ഗ്രീന്‍ സ്‌കൂള്‍ അവാര്‍ഡ് വിതരണം ചെയ്തു
മലപ്പുറം : വിദ്യാര്‍ത്ഥികളെ പങ്കാളികളാക്കി പരിസ്ഥിതി സംരക്ഷണ പ്രവര്‍ത്തനങ്ങള്‍ നടത്തിയ ജില്ലയിലെ സ്‌കൂളുകള്‍ക്ക് ദേശീയ ഹരിത സേനയുടെ ഗ്രീന്‍ സ്‌കൂള്‍ അവാര്‍ഡുകള്‍ വിതരണം ചെയ്തു. കേന്ദ്ര വനം-പരിസ്ഥിതി മന്ത്രാലയം, കേരള ശാസ്ത്ര-സാങ്കേതിക പരിസ്ഥിതി കൗണ്‍സില്‍ എന്നിവയുടെ നേതൃത്വത്തിലുള്ള സ്‌കൂള്‍ എക്കോ ക്ലബ്ബ് പ്രസ്ഥാനമായ ദേശീയ ഹരിത സേനയിലെ മികച്ച ആറ് വിദ്യാലയങ്ങള്‍ക്കാണ് അവാര്‍ഡ്.
സ്‌കൂളിനെ മികവുറ്റതാക്കാന്‍ വേണ്ടി പ്രവര്‍ത്തിച്ച സ്‌കൂള്‍ ഹരിതസേന കോഡിനേറ്റര്‍മാരായ അധ്യാപകര്‍ക്കാണ് അംഗീകാരം. ഹരിതവല്‍ക്കരണം , മാലിന്യ നിയന്ത്രണം, അടുക്കളത്തോട്ടം, പ്ലാസ്റ്റിക് റീസൈക്ലിംഗ് , ക്യാമ്പസ് സൗന്ദര്യവല്‍ക്കരണം, പരിസ്ഥിതി വിദ്യാഭ്യാസ ക്യാമ്പുകള്‍, ഗ്രാമീണ ഹരിത ബോധവല്‍ക്കരണം, ജലവിഭവ മാനേജ്‌മെന്റ്, ഊര്‍ജ്ജ സംരക്ഷണം, ബദല്‍ ഉല്‍പന്ന പ്രചാരണം തുടങ്ങിയ മേഖലകളില്‍ മികവ് തെളിയിച്ച സ്‌കൂളുകളാണ് അവാര്‍ഡിന് അര്‍ഹമ...