സാമൂഹിക മാധ്യമങ്ങളിലൂടെ പോലീസിനെ വെല്ലുവിളിച്ച കുപ്രസിദ്ധ ഗുണ്ട പല്ലൻ ഷൈജു പിടിയിൽ
കുപ്രസിദ്ധ ഗുണ്ടാ പല്ലൻ ഷൈജുവിനെ മലപ്പുറം പോലീസ് പിടികൂടി. വയനാട് സുൽത്താൻ ബത്തേരിയിലെ റിസോർട്ടിൽ ഒളിവിൽ കഴിയുകയായിരുന്ന ഇദ്ദേഹത്തെ മലപ്പുറം സ്‌പെഷ്യൽ ടീം പിടികൂടി കോട്ടക്കൽ പോലീസ് സ്റ്റേഷനിൽ എത്തിച്ചു. കുപ്രസിദ്ധ ഗുണ്ടാ കോടാലി ശ്രീധരന്റെ കൂട്ടാളിയായ ഷൈജു നിരവധി കൊലപാതക, ഹൈവേ കവർച്ച കേസുകളിൽ പ്രതിയാണ്. കാപ്പാ നിയമം ചുമത്തി തൃശൂർ പോലീസ് ജില്ലയിൽ നിന്നും നാട് കടത്തിയതിന് സോഷ്യൽ മീഡിയയിലൂടെ ലൈവായി പോലീസിനെ വെല്ലുവിളിച്ച് ഒളിവിൽ കഴിയുകയായിരുന്നു.
https://youtube.com/shorts/rJLFcuoAZrw?feature=share
ജില്ല പോലീസ് മേധാവി സുജിത്ത് ദാസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ മലപ്പുറം ഡിവൈഎസ്പി പി എം പ്രദീപിന്റെ നിർദ്ദേശപ്രകാരം കോട്ടക്കൽ ഇൻസ്പെക്ടർ എം കെ ഷാജി യുടെ നേതൃത്വത്തിൽ പ്രത്യേക അന്വേഷണസംഘം അംഗങ്ങളായ എസ് ഐ ഗിരീഷ് എം, ദിനേഷ് ഇരുപ്പക്കണ്ടൻ, മുഹമ്മദ്‌ സലീം പൂവത്തി, കെ.ജെസിർ, ആർ.ഷഹേഷ്...