വിദേശത്ത് നിന്ന് എത്തിയത് മൂന്ന് ദിവസം മുമ്പ് ; നിയന്ത്രണം വിട്ട് ബൈക്ക് വൈദ്യൂതി തൂണിലിടിച്ച് യുവാവിന് ദാരുണാന്ത്യം
ഹരിപ്പാട് : നിയന്ത്രണം വിട്ട ബൈക്ക് വൈദ്യുത തൂണില്‍ ഇടിച്ച് യുവാവ് മരിച്ചു. കാര്‍ത്തികപ്പള്ളി വെട്ടുവേനി പള്ളിയ്ക്കല്‍ ഗോപിയുടെ മകന്‍ കാളിദാസന്‍ (20) ആണ് മരിച്ചത്. ദുബായില്‍ ജോലിക്ക് പോയിരുന്ന കാളിദാസന്‍ ശാരീരിക അസ്വസ്ഥതകളെ തുടര്‍ന്ന് മൂന്ന് ദിവസം മുന്‍പാണ് നാട്ടിലെത്തിയത്. അപകടത്തില്‍ രണ്ടുപേര്‍ക്ക് പരിക്കേറ്റു. കെ വി ജെട്ടി കാട്ടില്‍മാര്‍ക്കറ്റ് പുത്തന്‍ കരിയില്‍ ക്ഷേത്രത്തിന് സമീപം ഇന്നലെ വൈകിട്ട് 3. 30 ന് ആയിരുന്നു അപകടം. കൂടെയുണ്ടായിരുന്ന താമല്ലാക്കല്‍ ഹുസ്‌ന മന്‍സില്‍ ഹാജ ഹസ്സന്‍ (20), എറണാകുളം സ്വദേശി ആകാശ് എന്നിവര്‍ക്ക് പരിക്കേറ്റു. മാതാവ് ശ്രീകല സൗദിയില്‍ നഴ്‌സാണ്. മൃതദേഹം ഹരിപ്പാട് താലൂക്ക് ആശുപത്രി മോര്‍ച്ചറിയില്‍....