ഐ.എസ്.എം. ജില്ലാ യുവജന സമ്മേളനം ഒക്ടോബർ 5 ന് വളാഞ്ചേരിയിൽ
വളാഞ്ചേരി : ആദർശ യൗവനം ആത്മാഭിമാനം എന്ന പ്രമേയത്തിൽ ഐ.എസ്. എം. മലപ്പുറം വെസ്റ്റ് ജില്ലാ യുവജന സമ്മേളനം കഞ്ഞിപ്പുര ഇവൻ്റ് കൺവെൻഷൻ സെൻ്ററിൽ ഒക്ടോബർ അഞ്ചിന് രാവിലെ 9 മുതൽ വൈകുന്നേരം അഞ്ച് മണി വരെ വിവിധ സെഷനുകളിലായി സംഘടിപ്പിക്കും. ഉദ്ഘാടന സമ്മേളനം , തർബിയ, തസ്കിയ , കരിയർ ഡെവലപ്പ്മെൻ്റ്, ഫിനാൻസ് മനേജ്മെൻ്റ്, ഫലസ്തീൻ ഐക്യദാർഡ്യ സമ്മേളനം തുടങ്ങി വൈവിധ്യമാർന്ന സെഷനുകളിൽ കേരളത്തിലെ പ്രമുഖ പണ്ഡിതർ പ്രഭാഷണം നിർവ്വഹിക്കും. ഫിഖ്ഹ് കോർണർ , ഹെൽത്ത് കെയർ ഹബ്ബ് , കൗൺസിലിംഗ് സെൻ്റർ തുടങ്ങിയ കൗണ്ടറുകൾ സമ്മേളന നഗരിയിൽ പ്രവർത്തിക്കും. രാവിലെ 9 മണിക്ക് നടക്കുന്ന ഉദ്ഘാടന സമ്മേളനം കെ.എൻ.എം. സംസ്ഥാന വൈസ് പ്രസിഡൻ്റ് ഡോ: ഹുസൈൻ മടവൂർ ഉദ്ഘാടനം ചെയ്യും. കോട്ടക്കൽ നിയോജക മണ്ഡലം എം.എൽ.എ. ആബിദ് ഹുസൈൻ തങ്ങൾ മുഖ്യ അതിഥിയായി പങ്കെടുക്കും. കെ.ജെ.യു ജനറൽ സെക്രട്ടറി ഹനീഫ കായക്കൊടി, ഐ എം ബി സ്റ്റേറ്റ് പ്രസിഡന്റ് ഡോ. പി എ കബീർ...