രാത്രികാല നിയന്ത്രണം ആരാധനാലയങ്ങൾക്കും ബാധകം
രാത്രി പത്തു മുതൽ പുലർച്ചെ അഞ്ചു വരെയാണ് നിയന്ത്രണം
തിരുവനന്തപുരം: ഡിസംബര് 30 മുതല് ജനുവരി രണ്ടു വരെ സംസ്ഥാനത്ത് ഏര്പ്പെടുത്തിയ രാത്രികാല നിയന്ത്രണം ആരാധനാലയങ്ങള്ക്കും ബാധകം. ഒമിക്രോണ് പടരാനുള്ള സാധ്യത മുന്നിര്ത്തിയാണ് സംസ്ഥാനത്ത് രാത്രി നിയന്ത്രണങ്ങള് ഏര്പ്പെടുത്തിയത്. രാത്രി പത്തു മുതല് പുലര്ച്ചെ അഞ്ചു വരെയാണ് നിയന്ത്രണം.
ദേവാലയങ്ങള് ഉള്പ്പെടെ പൊതുയിടങ്ങളിലും മറ്റും നടത്തുന്ന മത, സാമുദായിക, രാഷ്ട്രീയ, സാംസ്കാരിക, സാമൂഹിക കൂടിച്ചേരലുകള് അടക്കം ആള്ക്കൂട്ട പരിപാടികളൊന്നും രാത്രി അനുവദിക്കില്ലെന്ന് ദുരന്തനിവാരണ വകുപ്പ് അറിയിച്ചു. അടിയന്തര ആവശ്യങ്ങള്ക്ക് പുറത്തിറങ്ങുന്നവര് സ്വയം സാക്ഷ്യപത്രം കൈയില് കരുതണം.
പുതുവത്സരാഘോഷത്തോടനുബന്ധിച്ച് വലിയ ആള്ക്കൂട്ടങ്ങള് ഉണ്ടാകാന് സാധ്യതയുളള ബീച്ചുകള്, ഷോപ്പിംഗ് മാളുകള്, പബ്ലിക് പാര്ക്കുകള്, തുടങ്ങിയ പ്രദേശങ്ങളില് ജി...