ഭർത്താവറിയാതെ ഭാര്യയെ മറ്റൊരു വിവാഹം കഴിപ്പിച്ചത് ചോദിക്കാനെത്തിയ യുവാവിനെ ആക്രമിച്ചതായി പരാതി
തിരൂരങ്ങാടി : ഭര്‍ത്താവ് അറിയാതെ ഭാര്യയെ മറ്റൊരു വിവാഹം കഴിപ്പിച്ചയച്ച കാര്യം ചര്‍ച്ച ചെയ്യാനെത്തിയ മുന്‍ നഗരസഭ കൗണ്‍സിലര്‍ കൂടിയായ യുവാവിനെ അക്രമിച്ച സംഭവത്തില്‍ പൊലീസ് കേസെടുത്തു. തിരൂരങ്ങാടി മുന്‍ നഗരസഭ കൗണ്‍സിലര്‍ തിരൂരങ്ങാടി വെള്ളിപ്പാലപറമ്പ് സ്വദേശി പട്ടാളത്തില്‍ ഹംസ (38) യെ മര്‍ദിച്ച കേസിലാണ് പള്ളി സെക്രട്ടറി ഉള്‍പ്പെടെയുള്ളവര്‍ക്കെതിരെ വധശ്രമത്തിന് കേസെടുത്തത്.കഴിഞ്ഞ മാസം 16 ന് ഹംസയുടെ ഭാര്യയെ ഇദ്ദേഹമറിയാതെ വീണ്ടും വിവാഹം കഴിപ്പിച്ച കാര്യം ചര്‍ച്ച ചെയ്യാനെന്ന പേരില്‍ ചാമപറമ്പ് ജുമാമസ്ജിദ് സെക്രട്ടറി അദ്ദേഹത്തിന്റെ പള്ളിക്കല്‍ ബസാര്‍ മിനി എസ്റ്റേറ്റിനടുത്തുളള വീട്ടിലേക്ക് വിളിച്ചു വരുത്തി ഒന്നു മുതല്‍ 7 പ്രതികളും കണ്ടാലറിയാവുന്ന മറ്റു പ്രതികളും ചേര്‍ന്ന് അന്യായക്കാരനെ കൈകൊണ്ടും മാരകായുധങ്ങള്‍ കൊണ്ടും അക്രമിച്ചു പരിക്കേല്‍പ്പിക്കുകയും മൊബൈല്‍ ഫോണ്‍ അപഹരിക്കുകയും ചെയ്‌തെന്നാണ് പരാതി....