താനൂരിലെ കുട്ടികളെ കാണാതായ സംഭവം; കൂടെയുണ്ടായിരുന്ന യുവാവിനെ റിമാൻഡ് ചെയ്തു
താനൂർ: താനൂരിൽ നിന്നും കുട്ടികളെ കാണാതായ സംഭവത്തിൽ മുംബൈയിലേക്ക് ഇവരുടെ കൂടെയുണ്ടായിരുന്ന യുവാവിനെ അറസ്റ്റ് ചെയ്തു. എടവണ്ണ ആലുങ്ങൽ വീട്ടിൽ അക്ബർ റഹീം (26) നെയാണ് താനൂർ എസ്.എച്ച്.ഒ ടോണി ജെ. മറ്റത്തിൻ്റെ നേതൃത്വത്തിൽ അറസ്റ്റ് ചെയ്തത്. തിരൂരിൽ നിന്നാണ് ഇയാളെ പൊലീസ് കസ്റ്റഡിയിലെടുത്തത്.
സാമൂഹിക മാധ്യമ ആപ്പായ ഇൻസ്റ്റഗ്രാം വഴി കാണാതായ കുട്ടികളുമായി നാല് മാസം മുമ്പാണ് ഇയാൾ പരിചയപ്പെടുന്നത്. കുട്ടികളെ കാണാതാകുന്നതിന് തൊട്ടു മുമ്പുള്ള ദിവസങ്ങളിൽ ഇരുവരെയും ഇയാൾ ഫോണിൽ ബന്ധപ്പെട്ടതിൻ്റെ വിവരങ്ങൾ അന്വേഷണ സംഘത്തിന് ലഭിച്ചതോടെയാണ് ഇയാൾ കുരുക്കിലാകുന്നത്. ഇയാളുടെ നമ്പർ നിരീക്ഷിച്ചതിൽ നിന്നും ഇയാൾ മുംബൈയിലേക്കുള്ള ട്രെയിനിൽ കുട്ടികളോടൊപ്പം ഉണ്ടെന്ന് വ്യക്തമായിരുന്നു. താനാണ് കുട്ടികളെ കൊണ്ടു പോയതെന്ന് പ്രാഥമിക ചോദ്യം ചെയ്യലിൽ ഇയാൾ സമ്മതിച്ചിട്ടുണ്ട്. അന്വേഷണത്തിൻ്റെ ഭാഗമായി കുട്ടികളെ കണ്ടെത്താൻ പൊലീസു...