തദ്ദേശ സ്ഥാപനങ്ങളിലെ അധ്യക്ഷന്, ഉപാധ്യക്ഷന് തെരഞ്ഞെടുപ്പ് – ഡിസം. 26, 27 തീയതികളില്
മെമ്പർമാർ 21ന് അധികാരമേൽക്കും
പൊതുതെരഞ്ഞെടുപ്പിന് ശേഷം ഡിസംബര് 21 ന് സത്യപ്രതിജ്ഞ ചെയ്ത് അധികാരമേറ്റെടുക്കുന്ന തദ്ദേശ സ്ഥാപനങ്ങളിലേക്കുള്ള അധ്യക്ഷന്, ഉപാധ്യക്ഷന് തെരഞ്ഞെടുപ്പ് തീയതിയും സമയവും സംബന്ധിച്ച് സംസ്ഥാന തെരഞ്ഞെടുപ്പ് കമ്മീഷന് ഉത്തരവിറക്കി. മുന്സിപ്പല് കൗണ്സിലുകളിലെയും കോര്പ്പറേഷനുകളിലെയും ചെയര്പേഴ്സണ്, മേയര് തെരഞ്ഞെടുപ്പ് ഡിസം. 26 ന് രാവിലെ 10.30നും ഡെപ്യൂട്ടി ചെയര്പേഴ്സണ്, ഡെപ്യൂട്ടി മേയര് തെരഞ്ഞെടുപ്പ് അന്നേ ദിവസം ഉച്ചയ്ക്ക് ശേഷം 2.30നും നടത്തും. ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത് എന്നിവയിലെ പ്രസിഡന്റ് തിരഞ്ഞെടുപ്പ് ഡിസംബര് 27ന് രാവിലെ 10.30നും വൈസ് പ്രസിഡന്റ് തെരഞ്ഞെടുപ്പ് അന്നേ ദിവസം ഉച്ചയ്ക്ക് ശേഷം 2.30നും നടക്കും. ജില്ലാ പഞ്ചായത്ത്,കോര്പ്പറേഷന് എന്നിവയില് ജില്ലാ കളക്ടറാണ് വരണാധികാരി. ഗ്രാമപഞ്ചായത്തിലും ബ്ലോക്ക് പഞ്ചായത്തിലും അതത് സ്ഥ...
