പ്ലസ് വൺ വിദ്യാർഥിനിയെ ഹോസ്റ്റലിൽ മരിച്ചനിലയിൽ കണ്ടെത്തി
പാലക്കാട് : കല്ലേക്കാട് വ്യാസ വിദ്യാ പീഠം സ്കൂളിലെ പ്ലസ് വൺ വിദ്യാർഥിനിയെ ഹോസ്റ്റലിൽ തൂങ്ങി മരിച്ച നിലയിൽ കണ്ടെത്തി.
ഒറ്റപ്പാലം വരോട് സ്വദേശികളായ പുതിയ കോവിലകം രാജേഷിന്റെയും ശ്രീജയുടെയും മകൾ രുദ്ര രാജേഷ് (16) ആണ് മരിച്ചത്. ബുധൻ രാത്രി 9 ഓടെ പെൺകുട്ടികളുടെ ഹോസ്റ്റൽ മുറിയിൽ ഏഴാം നമ്പർ മുറിയിൽ ബെഡ് ഷീറ്റ് ഉപയോഗിച്ച് തൂങ്ങിമരിച്ച നിലയിൽ കണ്ടെത്തുകയായിരുന്നു. സംഭവത്തിൽ ടൗൺ നോർത്ത് പോലീസ് കേസെടുത്തു. ജില്ലാശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. നിലവിൽ മരണ കാരണം വ്യക്തമല്ല. സംഭവത്തിൽ അന്വേഷണം ആരംഭിച്ചയായി പോലീസ് അറിയിച്ചു....