വര്‍ഗ്ഗീയ പരാമര്‍ശം ; പരപ്പനങ്ങാടി നഗരസഭാ കൗണ്‍സിലര്‍ രാജിവെക്കണമെന്നാവശ്യപ്പെട്ട് എല്‍ഡിഎഫ് പ്രതിഷേധ മാര്‍ച്ച്
പരപ്പനങ്ങാടി : വര്‍ഗ്ഗീയ പരാമര്‍ശം നടത്തി സത്യപ്രതിജ്ഞ ലംഘിച്ച പരപ്പനങ്ങാടി നഗരസഭ സിവിഷന്‍ 20-ലെ കൗണ്‍സിലര്‍ അബ്ദുള്‍ അസീസ് കൂളത്ത് രാജിവെക്കണമെന്നാവശ്യപ്പെട്ടു കൊണ്ട് എല്‍ഡിഎഫ് പരപ്പനങ്ങാടി നഗരസഭാ കമ്മിറ്റി നഗരസഭയിലേക്ക് പ്രതിഷേധ മാര്‍ച്ച് സംഘടിപ്പിച്ചു. മാര്‍ച്ച് സി.പി.ഐ.എം.ഏരിയകമ്മിറ്റി അംഗം ടി.പ്രഭാകരന്‍ ഉദ്ഘാടനം ചെയ്തു
എല്‍ഡിഎഫ് നഗരസഭ ചെയര്‍മാന്‍ ഗിരീഷ് തോട്ടത്തില്‍ അദ്ധ്യക്ഷത വഹിച്ചു. സി.പി.ഐ. ജില്ല കൗണ്‍സില്‍ അംഗം നിയാസ് പുളക്കലകത്ത്, തുടിശ്ശേരി കാര്‍ത്തികേയന്‍, ടി. സെയ്ത് മുഹമ്മദ്, ബാലകൃഷ്ണന്‍, ടി.പി. കുഞ്ഞാലന്‍കുട്ടി, കെ.സി.നാസര്‍, മനാഫ് താനൂര്‍, വി.കെ.ഹംസ എന്നിവര്‍ സംസാരിച്ചു. കണ്‍വീനര്‍ പാലക്കണ്ടി വേലായുധന്‍ സ്വാഗതവും അഫ്താബ് കൊളോളി നന്ദിയും പറഞ്ഞു.
...