സമസ്ത: സ്കൂള് വര്ഷ പൊതുപരീക്ഷ ഫലം പ്രസിദ്ധീകരിച്ചു; വിജയം 99%. 1696 പേര്ക്ക് ടോപ് പ്ലസ്
ചേളാരി: സമസ്ത കേരള ഇസ്ലാം മത വിദ്യാഭ്യാസ പരീക്ഷാ ബോര്ഡ് 2026 ഏപ്രില് 3,4 തിയ്യതികളില് വിദേശരാഷ്ട്രങ്ങളിലും 4, 5 തിയ്യതികളില് ഇന്ത്യയിലും സ്കൂള് കലണ്ടര് പ്രകാരം നടത്തിയ പൊതുപരീക്ഷയുടെ ഫലം പ്രസിദ്ധീകരിച്ചു. അഞ്ച്, ഏഴ്, പത്ത്, പ്ലസ്ടു ക്ലാസുകളിലാണ് പൊതുപരീക്ഷ നടന്നത്. ഇന്ത്യയിലും വിദേശങ്ങളിലുമായി രജിസ്തര് ചെയ്ത 17,708 വിദ്യാര്ത്ഥികളില് 17,395 പേര് പരീക്ഷയില് പങ്കെടുത്തു. ഇതില് 17,148 പേര് വിജയിച്ചു (99 ശതമാനം). ആകെ വിജയിച്ചവരില് 1,696 പേര് ടോപ് പ്ലസും, 4,725പേര് ഡിസ്റ്റിംഗ്ഷനും, 5,256 പേര് ഫസ്റ്റ് ക്ലാസും, 2,055 പേര് സെക്കന്റ് ക്ലാസും, 3,416 പേര് തേര്ഡ് ക്ലാസും കരസ്ഥമാക്കി.
ഇന്ത്യയിലും വിദേശത്തുമായി 374 സെന്ററുകളാണ് പരീക്ഷക്ക് വേണ്ടി ക്രമീകരിച്ചിരുന്നത്. ഇന്ത്യക്ക് പുറത്ത് ഒമാന്, ഖത്തര്, സഊദി അറേബ്യ, കുവൈത്ത് എന്നിവിടങ്ങളിലാണ് സ്കൂള്വര്ഷ പൊതുപരീക്ഷ നടന്...