നാടിനാകെ ഓണസദ്യയൊരുക്കി വെന്നിയൂർ ജിഎംയുപി സ്കൂൾ
വെന്നിയൂർ : കുട്ടികൾക്കു പുറമെ നാടിനു മുഴുവൻ സദ്യയൊരുക്കിയ വെന്നിയൂർ ജി.എം.യു .പി. സ്കൂളിലെ ഓണാഘോഷം വ്യത്യസ്തമായി. അയ്യായിരം പേരെയാണ് സ്കൂൾ ഓണമൂട്ടിയത്. മാവേലിയുടെ ഊരുചുറ്റലും പൂക്കളമൊരുക്കലും വൈവിധ്യമാർന്ന കളികളുമായി രക്ഷിതാക്കളെല്ലാം ചേർന്ന് പരിപാടി നാടിന്റെ ഉത്സവമാക്കി. വ്യവസായ പ്രമുഖൻ മുസ്തഫ തോടശ്ശേരി മുഖ്യാതിഥിയായി.ഒരുമയുടെ ആഘോഷമായ ഓണം അതിൻ്റെ തനിമ ചോരാതെ രക്ഷിതാക്കളെയും നാട്ടുകാരെയും വിദ്യാർത്ഥികളെയും കൂട്ടിയിണക്കി നടത്താൻ കഴിഞ്ഞതിൽ അതിയായ സന്തോഷമുണ്ടെന്ന് ഹെഡ്മാസ്റ്റർ ഐ. സലീം അഭിപ്രായപ്പെട്ടു. പി.ടി.എ. പ്രസിഡൻ്റ് അസീസ് കാരാട്ട്, എസ്.എം.സി. ചെയർമാൻ അബ്ദുൾ മജീദ്, എം.ടി.എ. പ്രസിഡൻ്റ് ആസിയാ ഹസിനത്ത് എന്നിവരും മറ്റ് പി.ടി.എ. അംഗങ്ങളും പരിപാടിയിൽ പങ്കെടുത്തു....
