ദില്ലി: അശ്ലീല ഉള്ളടക്കത്തിന്റെ പേരില്‍ യെസ്മ അടക്കം 18 ഒടിടി പ്ലാറ്റ്‌ഫോമുകള്‍ക്ക് കേന്ദ്ര വാര്‍ത്താവിതരണ മന്ത്രാലയത്തിന്റെ വിലക്ക്. ‘ഡ്രീംസ് ഫിലിംസ്’, ‘വൂവി’, ‘യെസ്മ’, ‘അണ്‍കട്ട് അഡ്ഡ’, ‘ട്രി ഫ്‌ലിക്‌സ്’, ‘എക്‌സ് പ്രൈം’, ‘നിയോണ്‍ എക്‌സ് വിഐപി’, ‘ബെഷരമാസ്’, ‘ഹണ്ടേഴ്‌സ്’, ‘റാബിറ്റ്’, ‘എക്‌സ്ട്രാമൂഡ്’, ‘ന്യൂഫ്‌ളിക്‌സ്’, ‘മൂഡ്എക്‌സ്’, ‘മോജോഫ്‌ളിക്‌സ്’, ‘ഹോട്ട് ഷോട്ട്‌സ് വിഐപി’, ‘ഫ്യൂജി’, ‘ചിക്കൂഫ്‌ളിക്‌സ്’, ‘പ്രൈം പ്ലേ’ എന്നീ ഒടിടി പ്ലാറ്റ്‌ഫോമുകള്‍ ആണ് വിലക്കിയിട്ടുള്ളത്.
പലകുറി മുന്നറിയിപ്പ് നല്‍കിയ ശേഷമാണ് നടപടിയെന്നും മന്ത്രാലയം അറിയിച്ചു. പോണോഗ്രഫിക്ക് തുല്യമായ ഉള്ളടക്കമാണ് ഇവരില്‍ പലരും നല്‍കുന്നതെന്നാണ് മന്ത്രാലയത്തിന്റെ വിശദീകരണം. സ്ത്രീകളെ മോശമായി ചിത്രീകരിക്കുന്ന ഉള്ളടക്കമെന്നും കുറ്റം. ഐടി ആക്ട് പ്രകാരമാണ് വിലക്ക് ഏര്‍പ്പെടുത്തിയിരിക്കുന്നത്.
ഒടിടി പ്ലാറ്റ്‌ഫോമുകളഎ കൂടാതെ 19 വെബ്‌സൈറ്റുകള്‍ക്കും 10 ആപ്പുകള്‍ക്കും 57 സാമൂഹിക മാധ്യമ അക്കൗണ്ടുകള്‍ക്കും വിലക്ക് ഏര്‍പ്പെടുത്തിയിട്ടുണ്ട്.