മെഡിക്കൽ കോളജിൽ ഡെന്റൽ ജൂനിയർ
മഞ്ചേരി ഗവ. മെഡിക്കല് കോളേജ് ഡെന്റല് വിഭാഗത്തില് ജൂനിയര് റസിഡന്റ് തസ്തികയിലെ ഒഴിവിലേക്ക് കരാര് അടിസ്ഥാനത്തില് നിയമനം നടത്തുന്നു. പ്രതിമാസം 52000 രൂപ നിരക്കില് ഒരു വര്ഷത്തേക്കാണ് നിയമനം. ബി.ഡി.എസ് ആണ് യോഗ്യത. ഓറല് ആന്റ് ഫേഷ്യല് സര്ജറിയില് പി.ജി യോഗ്യതയുള്ളവര്ക്ക് മുന്ഗണന ലഭിക്കും. താല്പര്യമുള്ള ഉദ്യോഗാര്ത്ഥികള് യോഗ്യത, പ്രവൃത്തിപരിചയം, വയസ്സ് എന്നിവ തെളിയിക്കുന്ന രേഖകളും ഫോണ്നമ്പറും ഇ.മെയില് വിലാസവും ഉള്പ്പെടുത്തിയ അപേക്ഷ സെപ്തംബര് 24 വൈകിട്ട് 5 മണിക്ക് മുമ്പായി [email protected] എന്ന ഇ.മെയില് വിലാസത്തില് അയക്കണം.
തൊഴില് മേള സെപ്തംബര് 24ന്
ജില്ലാ എംപ്ലോയബിലിറ്റി സെന്ററിന്റെ ആഭിമുഖ്യത്തില് പെരിന്തല്മണ്ണ തിരൂര്ക്കാട് നസ്റ ആര്ട്സ് ആന്ഡ് സയന്സ് കോളജില് സെപ്തംബര് 24ന് രാവിലെ 10 മുതല് ‘ഉന്നതി 2022’ തൊഴില് മേള സംഘടിപ്പിക്കുന്നു. സ്വകാര്യമേഖലയിലെ ഉദ്യോഗദായകര് മേളയില് പങ്കെടുക്കും. താത്പര്യമുള്ളവര് ബയോഡാറ്റ സഹിതം നസ്റ ആര്ട്സ് ആന്ഡ് സയന്സ് കോളജില് എത്തണമെന്ന് ജില്ലാ എംപ്ലോയ്മെന്റ് ഓഫീസര് അറിയിച്ചു. ഫോണ് : 04832 734737, 8078428570.