തിരൂരങ്ങാടി : ജെ സി ബി യിൽ ബൈക്കിടിച്ച് യുവാവിന് പരിക്കേറ്റു. കൊടിഞ്ഞി കോറ്റത്തങ്ങാടി സ്വദേശിയും കോണ്ഗ്രസ് ബ്ലോക്ക് കമ്മിറ്റി ജനറൽ സെക്രട്ടറി യുമായ യു വി അബ്ദുൽ കരീമിന്റെ മകൻ യു വി. ഷംവാസിനാണ് (24) പരിക്കേറ്റത്. ഇന്നലെ രാത്രി 2 ന് കൊടിഞ്ഞി ചെറുപ്പാറയിൽ വെച്ചാണ് അപകടം. രാത്രി കട അടച്ചു വരുമ്പോൾ റോഡിൽ നിർത്തിയിട്ട ജെ സി ബി യിൽ ഇടിക്കുകയായിരുന്നു എന്നാണ് പറയുന്നത്. പരിക്കേറ്റ ഇയാളെ കോട്ടക്കൽ അൽ മാസ് ആശുപത്രിയിൽ പ്രവേശിപ്പിച്ചു.