![](https://tirurangaditoday.in/wp-content/uploads/2023/06/IMG-20230610-WA0065.webp)
കോട്ടയം: ഒപ്പംതാമസിച്ചിരുന്ന സ്ത്രീയെ യുവാവ് കമ്പിപ്പാര കൊണ്ട് തലയ്ക്കടിച്ചു കൊലപ്പെടുത്തി. തലപ്പലത്ത് അമ്പാറയില് ഇന്ന് പുലര്ച്ചെ മൂന്നുമണിയോടെയായിരുന്നു കൊലപാതകം. ഭാര്ഗവി(48) ആണ് കൊല്ലപ്പെട്ടത്. പ്രതിയായ കൊച്ചുപുരക്കല് ബിജുമോന് കൊലപാതകം നടത്തിയശേഷം പൊലീസ് സ്റ്റേഷനിലെത്തി കീഴടങ്ങി. മദ്യപാനത്തെത്തുടര്ന്നുണ്ടായ തര്ക്കമാണ് കൊലപാതകത്തില് കലാശിച്ചതെന്നാണ് പൊലീസ് പറയുന്നത്.
ഇരുവരും കഴിഞ്ഞ രണ്ടുവര്ഷമായി ഒരുമിച്ചായിരുന്നു താമസം. ഇന്നലെ രാത്രി മദ്യപിച്ചശേഷം ഇരുവരും തമ്മില് തര്ക്കമുണ്ടായി. തുടര്ന്ന് ബിജുമോന് ഭാര്ഗവിയെ കമ്പിപ്പാര കൊണ്ട് തലയ്ക്കടിക്കുകയായിരുന്നു. കൃത്യംനടത്തിയ ശേഷം ബിജുമോന് പൊലീസ് സ്റ്റേഷനിലെത്തി കീഴടങ്ങി.