സീറ്റൊഴിവ്, പരീക്ഷാ ഫലം ; കാലിക്കറ്റ് യൂണിവേഴ്‌സിറ്റി അറിയിപ്പുകള്‍

ഫിലോസഫി പഠനവകുപ്പിൽ ദേശീയ കോൺഫറൻസ്

കാലിക്കറ്റ് സർവകലാശാലാ ഫിലോസഫി പഠനവകുപ്പ് ‘ ഭാഷ, യുക്തി, കണക്കുകൂട്ടൽ ’ എന്ന വിഷയത്തിൽ ദേശീയ കോൺഫറൻസ് സംഘടിപ്പിക്കുന്നു. പരിപാടി നവംബർ 20-ന് സർവകലാശാലാ ഇ.എം.എസ്. സെമിനാർ കോംപ്ലക്സിലും 21-നും 22-നും പഠനവകുപ്പ് സെമിനാർ ഹാളിലും നടക്കും. സമയം രാവിലെ 9.30 മുതൽ വൈകീട്ട് അഞ്ചു മണി വരെ. കൂടുതൽ വിവരങ്ങൾക്ക് ഡോ. എം. അജയ് മോഹൻ (ഫോൺ : 7907012187) അസിസ്റ്റന്റ് പ്രൊഫസർ ആന്റ് കോ-ഓർഡിനേറ്റർ.

പി.ആർ. 1673/2024

സീറ്റൊഴിവ്

കാലിക്കറ്റ് സർവകലാശാലാ കമ്പ്യൂട്ടർ സയൻസ് പഠനവകുപ്പിൽ പുതുതായി ആരംഭിച്ച പ്രോജക്ട് മോഡ് പ്രോഗ്രമായ പി.ജി. ഡിപ്ലോമ ഇൻ ഡാറ്റാ സയൻസ് ആന്റ് അനലറ്റിക്സിൽ എസ്.സി. / എസ്.ടി. വിഭാഗത്തിൽ ഏതാനും സീറ്റൊഴിവുണ്ട്. താത്പര്യമുള്ളവർ നവംബർ 21-ന് രാവിലെ 10.30-ന് പഠനവകുപ്പിൽ ഹാജരായി പ്രവേശനം നേടണം. എസ്.സി. / എസ്.ടി. വിഭാഗത്തിലുള്ളവരുടെ അഭാവത്തിൽ മറ്റു വിഭാഗത്തിലുള്ളവരെ പരിഗണിക്കും.

പി.ആർ. 1674/2024

പരീക്ഷാ ഫലം

ഏഴാം സെമസ്റ്റർ ബി.ടെക്. (2013 മുതൽ 2018 വരെ പ്രവേശനം) ഏപ്രിൽ 2021, നവംബർ 2021, ഏപ്രിൽ 2022, നവംബർ 2022 പരീക്ഷകളുടെയും പാർട്ട് ടൈം ബി.ടെക്. (2013, 201 4 പ്രവേശനം) ഏപ്രിൽ 2021 പരീക്ഷയുടെയും ഫലം പ്രസിദ്ധീകരിച്ചു. പുനർമൂല്യനിർണയത്തിന് ഡിസംബർ രണ്ട് വരെ അപേക്ഷിക്കാം.

പി.ആർ. 1675/2024

സൂക്ഷ്മപരിശോധനാഫലം

നാലാം സെമസ്റ്റർ എം.ബി.എ. ഹെൽത് കെയർ മാനേജ്‌മന്റ്, എം.ബി.എ. ഇന്റർനാഷണ ൽ ഫിനാൻസ് ജൂലൈ 2024 പരീക്ഷകളുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.

പി.ആർ. 1676/2024