തിരൂരങ്ങാടി: പി എസ് എം ഒ കോളേജിന് സമീപം തൂക്കുമരം ഇറക്കത്തിൽ ബൈക്കും കാറും കൂട്ടിയിടിച്ചു ബൈക്ക് യാത്രക്കാരന് പരിക്കേറ്റു. മൂന്നിയൂർ ആലിൻ ചുവട് നരിക്കോട്ട് മേച്ചേരി സൈതലവിയുടെ മകൻ മുഹമ്മദ് ഫാരിസി (21) ന് ആണ് പരിക്കേറ്റത്. ഇന്ന് ഉച്ചയ്ക്ക് ആണ് അപകടം. ചെമ്മാട് ഭാഗത്തേക്ക് പോകുകയായിരുന്ന ബൈക്കും കക്കാട് ഭാഗത്തേക്ക് പോകുന്ന കാറും തമ്മിലാണ് കൂട്ടിയിടിച്ചത്. പരിക്കേറ്റ ഫാരിസിനെ തിരൂരങ്ങാടി എം കെ എച്ച് ആശുപത്രിയിൽ പ്രവേശിപ്പിച്ചു.