റവന്യൂ റിക്കവറി : 100 ശതമാനം കൈവരിച്ച് തിരൂരങ്ങാടി താലൂക്ക് : അവാര്ഡ് ഏറ്റുവാങ്ങി : സംസ്ഥാനത്ത് തിളങ്ങി മലപ്പുറം ജില്ല
തിരൂരങ്ങാടി : 2024-25 സാമ്പത്തിക വര്ഷത്തെ റവന്യൂ റിക്കവറിയില് ജില്ലയില് 100 ശതമാനം കൈവരിച്ച് തിരൂരങ്ങാടി നഗരസഭ. റവന്യൂ റിക്കവറി ,കെട്ടിടനികുതി, ആഡംബര നികുതി എന്നിവയില് ആണ് തിരൂരങ്ങാടി താലൂക്ക് 100 ശതമാനം എത്തിച്ചത്. തിരൂരങ്ങാടിയെ കൂടാതെ പെരിന്തല്മണ്ണ താലൂക്കും 100 ശതമാനം കൈവരിച്ചിട്ടുണ്ട്. ഇരു താലൂക്കുകളും റോളിംഗ് ട്രോഫി സ്വന്തമാക്കി.
അതേസമയം 2024-25 സാമ്പത്തിക വര്ഷത്തെ റവന്യൂ റിക്കവറിയില് സംസ്ഥാനത്ത് മികച്ച പ്രകടനം കാഴ്ചവെച്ച് മലപ്പുറം ജില്ല. സംസ്ഥാനത്ത് റവന്യൂ റിക്കവറി പിരിവില് ശതമാനടിസ്ഥാനത്തില് മലപ്പുറം ജില്ല ഒന്നാം സ്ഥാനത്ത് എത്തി. പ്രവര്ത്തനങ്ങള് കാര്യക്ഷമമാക്കിയ മികച്ച ജീവനക്കാര്ക്കുള്ള പുരസ്കാരങ്ങള് ജില്ലാ കളക്ടര് വി.ആര്. വിനോദ് വിതരണം ചെയ്തു.
95 ശതമാനം റിക്കവറി പൂര്ത്തിയാക്കാന് ജില്ലക്ക് കഴിഞ്ഞു. ഇതിലൂടെ 83 കോടി രൂപ പിരിച്ചെടുത്തു. കഴിഞ്ഞ സാമ്പത്തി...
