മലപ്പുറം: വിവാഹ വാഗ്ദാനം നല്‍കി പീഡിപ്പിച്ചെന്ന പരാതിയില്‍ തൃശൂര്‍ ക്രൈംബ്രാഞ്ച് സിഐക്കെതിരെ കേസ്. ആലപ്പുഴ സ്വദേശിനി നല്‍കിയ പരാതിയിലാണ് എ.സി.പ്രമോദിനെതിരെ കുറ്റിപ്പുറം പൊലീസ് കേസെടുത്തത്.
മലപ്പുറം വനിതാ പൊലീസ് സ്റ്റേഷനില്‍ നല്‍കിയ പരാതിയില്‍ വിവാഹ വാഗ്ദാനം നല്‍കി വിവിധയിടങ്ങളില്‍ കൊണ്ടുപോയി പീഡിപ്പിച്ചുവെന്നാണ് യുവതി നല്‍കിയത്. സംഭവം നടന്നത് കുറ്റിപ്പുറം പൊലീസ് സ്റ്റേഷന്‍ പരിധിയിലായത് കൊണ്ട് കേസ് അവിടേക്ക് കൈമാറുകയായിരുന്നു. ഒരു മാസം മുമ്പ് കുറ്റിപ്പുറം സിഐ ആയിരുന്ന പ്രമോദിനെ തൃശൂരിലേക്ക് സ്ഥലം മാറ്റിയിരുന്നു.