![](https://tirurangaditoday.in/wp-content/uploads/2022/11/63581f51bdfda_arrest-1024x517.jpg)
ഒമ്പതാം ക്ലാസ് വിദ്യാര്ഥിനിയുടെ ആത്മഹത്യയില് ഇന്സ്റ്റഗ്രാം സുഹൃത്ത് അറസ്റ്റില്. വയനാട് സുല്ത്താന് ബത്തേരി ചീരാല് ഗവ.ഹയര് സെക്കന്ഡറി സ്കൂളിലെ ഒമ്പതാം ക്ലാസ് വിദ്യാര്ഥിനി അലീന ബെന്നി ജീവനൊടുക്കിയ കേസില് ആലപ്പുഴ കണിച്ചുകുളങ്ങര സ്വദേശി ആദിത്യനെയാണ്(20) ആത്മഹത്യാ പ്രേരണക്കുറ്റത്തിന് നൂല്പ്പുഴ പൊലീസ് വെള്ളിയാഴ്ച അറസ്റ്റ് ചെയ്തത്.
കഴിഞ്ഞ 20നാണ് അലീന ബന്ധുവീട്ടില് തൂങ്ങിമരിച്ചത്. മരണത്തില് കുട്ടിയുടെ കുടുംബം ദൂരൂഹത ആരോപിച്ചിരുന്നു. തുടര്ന്ന് കുട്ടിയുടെ ഇന്സ്റ്റഗ്രാം അക്കൗണ്ടുകളുള്പ്പെടെ സൈബര് സെല്ലിന്റെ സഹായത്തോടെ പരിശോധിച്ചപ്പോഴാണ് ആദിത്യനുമായുള്ള ചാറ്റുകള് കണ്ടെടുത്തത്. പെണ്കുട്ടിയുമായി സൗഹൃദം സ്ഥാപിച്ച അദിത്യന് മറ്റൊരു പെണ്കുട്ടിയുമായി ബന്ധമുണ്ടെന്ന് അറിഞ്ഞതോടെ ഇരുവരും തമ്മില് പ്രശ്നങ്ങളുണ്ടായതായാണ് സൂചന.
നൂല്പ്പുഴ എസ്എച്ച്ഒ എ.ജെ. അമിത് സിങ്ങിന്റെ നേതൃത്വത്തിലുള്ള സംഘം എറണാകുളത്തെ ജോലിസ്ഥലത്തുനിന്നാണ് ആദിത്യനെ കസ്റ്റഡിയിലെടുത്തത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.