തിരൂരങ്ങാടി: കുണ്ടൂർ പി എം എസ് ടി ആർട്സ് ആൻഡ് സയൻസ് കോളേജ് എൻഎസ്എസ് യൂണിറ്റിന്റെ നേതൃത്വത്തിൽ നന്നമ്പ്ര പഞ്ചായത്ത് ജനകീയ കൂട്ടായ്മയുമായി സഹകരിച്ച് ലഹരിക്കെതിരെ “ലൈഫ് ഈസ് ബ്യൂട്ടിഫുൾ” ജന ജാഗ്രത സദസ്സ് സംഘടിപ്പിച്ചു.
കോളേജ് പ്രിൻസിപ്പൽ പ്രൊഫസർ കെ. ഇബ്രാഹിം അധ്യക്ഷനായ പരിപാടിയുടെ ഉദ്ഘാടനം താനൂർ ഡിവൈഎസ്പി. പി പ്രമോദ് നിർവഹിച്ചു. നിസാം വളാഞ്ചേരി ലഹരി-വിരുദ്ധ ബോധവൽക്കരണ ക്ലാസ് നൽകി. ലഹരി വിരുദ്ധ പ്രവർത്തനങ്ങൾക്ക് ഡിവൈഎസ്പി ഉൾപ്പടെ താനൂർ പോലീസ് സ്റ്റേഷനിലെ ഓഫീസർമാരെ ജനകീയ കൂട്ടായ്മ മൊമെന്റോ നൽകി ആദരിച്ചു.
പൊതുജനങ്ങളും വിദ്യാർത്ഥികളും ജനകീയ കൂട്ടായ്മ അംഗങ്ങളും പങ്കെടുത്ത പരിപാടിയിൽ, എൻഎസ്എസ് പ്രോഗ്രാം ഓഫീസർ പി. സിറാജ്ജുദ്ദീൻ സ്വാഗതവും വിമുക്തി കോആ ഡിനേറ്റർ അഹ്ദസ്. ബി നന്ദിയും പറഞ്ഞു. കോളേജ് ഭരണസമിതി അംഗങ്ങളായ എൻ പി ആലി ഹാജി, കെ. കുഞ്ഞിമരക്കാർ, എം. സി കുഞ്ഞുട്ടി ഹാജി, നന്നമ്പ്ര പഞ്ചായത്ത് എട്ടാം വാർഡ് മെമ്പർ തച്ചറക്കൽ കുഞ്ഞി മുഹമ്മദ്, ജനകീയ കൂട്ടായ്മ പ്രതിനിധി ജാഫർ പനയത്തിൽ, പിടിഎ ജോയിന്റ് സെക്രട്ടറി ഖൈറുന്നിസ കെ എം, കോളേജ് യൂണിയൻ ചെയർമാൻ മുഹമ്മദ് ഫാരിസ് എന്നിവരും സംസാരിച്ചു.