ജനലിലൂടെ കയ്യിട്ടാണ് മോഷണം
താനൂർ : ജനലിലൂടെ കയ്യിട്ട് ഉറങ്ങിക്കിടന്ന യുവതിയുടെ സ്വർണാഭരണങ്ങൾ കവർന്നു. വെള്ളിയാംപുറം കീരിയാട്ട്പുരായി ചിത്രമ്പള്ളി യാസർ അറഫാത്തിൻ്റെ ഭാര്യ ജസീലയുടെ ആഭരണങ്ങൾ ആണ് കവർന്നത്. ആറര പവൻ്റെ സ്വർണമാലയും ഒരു പവൻ്റെ സ്വർണ നെക്ലേസും ആണ് മോഷ്ടിച്ചത്. കഴിഞ്ഞ ദിവസം രാത്രി 2.30 ന് ആണ് സംഭവം. ഒരു ജനൽ കുറ്റി ഇട്ടിട്ടില്ലായിരുന്നു. മോഷ്ടാവ് ഇതിലൂടെ കയ്യിട്ട് മറ്റേ ജനൽ തുറന്ന് അതിലൂടെയാണ് മോഷണം നടത്തിയത്. ഉറങ്ങിക്കിടന്ന ജസീലയുടെ കഴുത്തിൽ നിന്ന് ആഭരണങ്ങൾ മുറിച്ചെടുക്കുകയായിരുന്നു. മുറിച്ച ആഭരണങ്ങൾ വലിച്ചെടുക്കുമ്പോൾ ഞെട്ടി ഉണർന്നപ്പോൾ മോഷ്ടാവ് കൈ വലിച്ചു ഓടി പോകുന്നത് കണ്ടതായി യുവതി പറഞ്ഞു. പോലീസ് കേസെടുത്തു.