കാൽ കഴുകുന്നതിനിടെ വീണ് ഒഴുക്കിൽപ്പെട്ട് കാണാതായ കുട്ടിയുടെ മൃതദേഹം കണ്ടെത്തി
എടവണ്ണപ്പാറ : പൂങ്കുടി മാങ്കടവ് ചെറുപുഴ യിൽ ഒഴുക്കിൽപ്പെട്ട 12 കാരന്റെ മൃതദേഹം കണ്ടെത്തി. മാങ്കടവ് മരതക്കോടൻ ഹിദായത്തിന്റെ മകൻ അൻഷിഫ് (12) ന്റെ മൃതദേഹം ആണ് ലഭിച്ചത്. പൂങ്കുടി പാലത്തിന്റെ താഴെ വശത്തായിട്ടാണ് മൃതദേഹം കണ്ടെത്തിയത്.
ശക്തമായ തിരച്ചിൽ നടത്തിയതിന്റെ ഭാഗമായി, ഇന്നലെ രാത്രി 12:30 ഓടെ കുട്ടിയുടെ മൃതദേഹം പൂങ്കുടി പാലത്തിന്റെ അടിയിൽ നിന്നും കണ്ടെത്തിയത്. തിങ്കളാഴ്ച വൈകുന്നേരം 4 മണിയോടെയായിരുന്നു കുട്ടിയെ ഒഴുക്കിൽ പെട്ട് കാണാതായത്. ഫുട്‌ബോൾ കളി കഴിഞ്ഞ് ചെറുപുഴയിൽ കാൽ കഴുകുന്നതിനിടെ പുഴയിൽ വീണ് ഒഴുക്കിൽ പെടുകയായിരുന്നു. വിവിധ യൂണിറ്റുകളിൽ നിന്നെത്തിയ അഗ്നിശമന സേനയും സ്കൂബ ടീമും വിവിധ സന്നദ്ധ സംഘടനകളും നാട്ടുകാരും ശക്തമായ തിരച്ചിൽ നടത്തിയിരുന്നു. മഴ കാരണം ചാലിയാർ പുഴയിൽ നല്ല വെള്ളവും ശക്തമായ ഒഴുക്കും തിരച്ചിലിന് വിഘാതമായി....
