പെരുവള്ളൂരിൽ തെരുവ് നായ ശല്യം രൂക്ഷം: എസ് എഫ് ഐ പരാതി നൽകി
പെരുവള്ളൂര് പറമ്പിൽ പീടികയിൽ കഴിഞ്ഞ ദിവസം മദ്രസയിൽ പോകുന്ന വിദ്യാർത്ഥിയെ തെരുവ് നായ ആക്രമിച്ചു. പെരുവള്ളൂർ ചാത്രത്തൊടി സ്വദേശിയായ ഈ വിദ്യാർത്ഥി നിലവിൽ തിരുരങ്ങാടി താലൂക്ക് ആശുപത്രിയിൽ ചികിത്സയിലാണ്.പെരുവള്ളൂർ പഞ്ചായത്തിൽ നിലവിൽ തെരുവ് നായ ശല്യം വളരെ രൂക്ഷമായിരിക്കുകയാണ്.ഈ സാഹചര്യത്തിൽ എത്രയും പെട്ടന്ന് ഈ വിപത്തിന് പരിഹാരം കണ്ടെത്തണമെന്നും വിദ്യാർത്ഥികളുടെയും പൊതുജനങ്ങളുടെയും ജീവൻ സുരക്ഷ ഉറപ്പാക്കണമെന്നും ആവശ്യപ്പെട്ട് എസ്.എഫ്.ഐ വള്ളിക്കുന്ന് ഏരിയ കമ്മിറ്റി പെരുവള്ളൂർ പഞ്ചായത്ത് സെക്രട്ടറിക്ക് നിവേദനം നൽകി. എസ്.എഫ്.ഐ വള്ളിക്കുന്ന് ഏരിയ പ്രസിഡന്റ് എം.ഹഫാം,ഏരിയ സെക്രട്ടറിയേറ്റ് അംഗം പി.വിഷ്ണു,പെരുവള്ളൂർ ലോക്കൽ സെക്രട്ടറി നന്ദകിഷോർ എന്നിവർ പങ്കെടുത്തു....