ജില്ലയില് അത്യാധുനിക സൗകര്യമുള്ള കാന്സര് ആശുപത്രി സ്ഥാപിക്കും; ജില്ലാ പഞ്ചായത്ത് ബജറ്റിൽ നിരവധി പദ്ധതികൾ
•മലപ്പുറം ജില്ലാ പഞ്ചായത്തിന്റെ 2026-27 വര്ഷത്തെ വാര്ഷിക ബഡ്ജറ്റ് അവതരിപ്പിച്ചു
മലപ്പുറം ജില്ലാ പഞ്ചായത്തിന്റെ 2026-27 വര്ഷത്തെ വാര്ഷിക ബഡ്ജറ്റില് കാന്സര് ചികിത്സയ്ക്ക് പ്രത്യേകമായ ആധുനിക ആശുപത്രി സ്ഥാപിക്കാന് പദ്ധതി. ഇതിനായി ബജറ്റില് രണ്ട് കോടി രൂപ വകയിരുത്തി. അനുയോജ്യമായ സ്ഥലം കണ്ടെത്തി ഈ വര്ഷം തന്നെ നിര്മാണ പ്രവര്ത്തനങ്ങള് ആരംഭിക്കും. കാന്സര് ചികിത്സാ മേഖലയിലെ എല്ലാ സേവനങ്ങളും ഒരേ കുടക്കീഴില് ലഭ്യമാക്കും. പ്രാരംഭ ഘട്ടത്തില് ഒ.പി സേവനങ്ങളും സ്ക്രീനിംഗ് സംവിധാനങ്ങളും ആരംഭിക്കും.
സാമൂഹ്യ ക്ഷേമം, ആരോഗ്യരംഗം, വിദ്യാഭ്യാസം, കാര്ഷികം, വ്യവസായം, കുടിവെള്ളം, അടിസ്ഥാന സൗകര്യ വികസനം തുടങ്ങിയ മേഖലകള്ക്ക് പ്രത്യേക പരിഗണന നല്കുന്നതാണ് വൈസ് പ്രസിഡന്റ് എ.പി സ്മിജി അവതരിപ്പിച്ച ബജറ്റ്. 202.45 കോടി രൂപ വരവും 192.64 കോടി രൂപ ചെലവും 46.14 കോടി രൂപ നീക്കിയിരിപ്പും പ്രതീക്ഷിക്കുന്ന...