തിരൂരങ്ങാടിയിൽ റോഡ് പ്രവർത്തി തുടങ്ങാം എന്ന് കരാർ കമ്പനി ഉറപ്പ് നൽകിയതായി യൂത്ത് ലീഗ്
തിരുരങ്ങാടി : മുസ്ലിം യൂത്ത് ലീഗ് തിരുരങ്ങാടി മുനിസിപ്പൽ കമ്മിറ്റിയുടെ നേതൃത്വത്തിൽ കേരള വാട്ടർ അതോറിറ്റി കരിപറമ്പ് ഓഫീസിൽ വെച്ച് നടത്തിയ ചർച്ചയിൽ ഓഗസ്റ്റ് 17നകം തിരുരങ്ങാടി മുതൽ പതിനാറുങ്ങൽ വരെയുള്ള റോഡിന്റെ വശങ്ങൾ നിരപ്പാക്കുന്ന ആദ്യഘട്ട വർക്ക് തുടങ്ങാം എന്ന് എ. ബി. എം ഫോർ കരാർ കമ്പനി രേഖ മൂലം ഉറപ്പ് നൽകി.
വാട്ടർ അതോറിറ്റി അസിസ്റ്റന്റ് എഞ്ചിനീയർക്ക് ഇത് സംബന്ധിച്ച് പരാതിയും സമർപ്പിച്ചു.
പ്രസിഡന്റ് സലീം വടക്കൻ, ജനറൽ സെക്രട്ടറി ബാപ്പുട്ടി ചെമ്മാട്, ഭാരവാഹികളായ അനീസ് ഖാലിദ്, ഷഫീഖ് പുളിക്കൽ,അഷ്റഫ് താണീക്കൽ, ആസിഫ് ലൈഫ് കെയർ, എന്നിവർ പങ്കെടുത്തു....